SOMOS INCLUSIVOS! Charla de sensibilización Down e discapacidade intelectual na biblio

No centro tivemos a oportunidade de recibir unhas charlas impartidas pola Asociación Down de Vigo, co obxectivo de sensibilizar ao alumnado e avanzar cara a unha inclusión real das persoas con síndrome de Down e outras discapacidades intelectuais. 

Durante a actividade realizamos unha pequena dinámica na que tivemos que desprazarnos cos ollos pechados, experimentando así a sensación de inseguridade e vulnerabilidade que poden sentir aquelas persoas que precisan apoio no seu día a día. Esta vivencia permitiunos poñernos na pel dos demais e reflexionar sobre a importancia da empatía e da axuda mutua. 

Despois, Anxo e Leti axudáronnos a aprender conceptos clave e déronnos consellos prácticos para aplicar no noso día a día, reforzando o noso compromiso de seguir sendo un centro educativo aberto, respectuoso e verdadeiramente inclusivo.

QUE LEMOS EN DECEMBRO?

 QUE LEMOS EN DECEMBRO?

Xa estamos no último mes do ano e non queremos rematalo doutra maneira que LENDO!

Propoñemos Por cuatro esquinitas de nada para conmemorar o Día Internacional das Persoas con Discapacidade. Un conto que nos fai reflexionar sobre as barreiras que temos no mundo que deixan a moitas persoas fóra...

Escoita esten conto!

Como tamén nos estamos achegando á época máis máxica do ano e nós non queremos perder a oportunidade de aprender máis sobre esta tradición e descubrir os diferentes xeitos que hai de festexar o Nadal polo mundo co Nadalario.

DISCAMINO VISITA A NOSA BIBLIO!

Xa sabedes que a nosa biblio ten moitas funcións: lectura, xogos, centro das aprendizaxes, etc. Pero, sobre todo, entendemos a biblio como un lugar común e aberto a crear unha gran comunidade. Por este motivo sempre nos encanta invitar a outras persoas externas ao centro a vir e compartir con nós experiencias e coñecementos sobre todas as temáticas que as vosas cabezas poidan imaxinar...

Moi pretiño nosa, está asentada a organizacion DISCAMINO. Un proxecto que nace do "Que ninguén che diga que non podes" e leva acompañando, ilusionando e cumprindo soños de persoas con discapacidade dende o ano 2009. Pois por moi difícil que pareza, con traballo, esforzo, entreno e apoio, todos podemos chegar a Santiago!

O alumnado de 3º, 4º, 5º e 6º tiveron a oportunidade de coñocer a David, Pablo e Gerardo e escoitar a súa experiencia de vida e o cambio que Discamino supuxo en como afrontan as dificultades e perseguen os seus soños. Tamén nos acompañou Javier Pitillas como voluntario e parte da organización, que nos foi guiando polos testemuños e adentrando no mundo da discapacidade.

Sen dúbida, mestras e alumnos sentiron a emoción que un proxecto humano e solidario contaxia en tódolos corazóns. 

Grazas por vir! Sodes un gran exemplo!

                              

3 DE DECEMBRO - DÍA INTERNACIONAL DAS PERSOAS CON DISCAPACIDADE

O 3 de decembro é o día internacional das persoas con discapacidade, declarado en 1992 pola Asamblea Xeral de Nacións Unidas.

É importante promover os dereitos e o benestar das persoas con discapacidade, así como como concienciar sobre a súa situación para desenvolver valores como a empatía e o respecto.

Dende a biblio preparamos un expositor con libros que teñen como protagonistas persoas con discapacidade ou outros que nos lembran que hai riqueza nas diferenzas e na diversidade.

Tamén reflexionamos sobre as etiquetas que acompañan ás persoas con discapacidade e rompemos con elas para avanzar cara unha sociedade equitativa.

         

20N - CONMEMORACIÓN DOS DEREITOS DA INFANCIA: XOGOS E LAPBOOKS NA BIBLIO

 

Hoxe, 20 de novembro, é o día no que conmemoramos os dereitos dos nenos e das nenas. 

Na biblioteca atopamos un xogo para descubrir ou lembrar os nosos dereitos. Gozamos moito do xogo, e tamén aproveitamos para reflexionar sobre o cumprimento dos dereitos,  a importancia de defender a infancia e as diferentes situacións que poden darse segundo o lugar no que nos atopemos. 

Completamos esta actividade coa creacións duns lapbooks coa información que atopamos nunha pequena investigación sobre a orixe dos dereitos do ser humano e, especificamente, dos nenos e nenas.

Como sempre dicimos, aínda que somos pequenos e pequenas, temos os nosos dereitos e unha voz para compartir grandes ideas cos adultos!

 

NOVO CONTACONTOS NA BIBLIOTECA

 

Malena ballena foi a proposta lectora que Lucía e Alexandra de 6º contaron na biblio o pasado xoves, ás portas da celebración do Día da discapacidade.  Este conto fala da superación e da autoestima, dos sentementos dos que sofren  mocas ou mofas polo seu aspecto ou capacidade. A historia de Malena é a historia dos que se senten distintos e ós que temos que incluir, valorar e respectar...porque todos somos diferentes e ao mesmo tempo iguais.

OS DE 5 TRABALLAN TAMÉN O CAZO DE LORENZO

 No día da discapacidade os de 5 anos traballaron El cazo de Lorenzo para  achegarse mellor ao mundo das diferencias. Dende o coñecemento e a empatía somos quen de integrar mellor e ser inclusivos.

3 de decembro DÍA DA DISCAPACIDADE

 Celebramos hoxe o día da discapacidade, aínda que tódolos días teriamos de ter presente que a diversidade é riqueza e que todos somos capaces.

Na nosa biblioteca temos moitos libros que nos achegan a este planeta de diferencias. Somos diferentes no xeito de pensar, sentir, crear, vivir; pero todos estamos baixo o mesmo paraugas e merecemos o mesmo amor e respecto.

BOLOBO é a lectura escollida este curso para mergullarnos no especial que nos fai a cadaquen o noso ser e a nosa realidade. Podemos coller este estupendo conto na biblioteca e tamén podemos escoitalo na voz deste cativo do CEIP DE CAIÓN que o gravou para todos os que estamos á outra beira da pantalla. Poñémolo aquí agardando que non lle importe compartilo connosco.

BOLETÍN DE SUXESTIÓNS LECTORAS PARA O NADAL

    Como tódolos anos, publicamos unha proposta de lecturas para ler e agasallar neste Nadal. Lembrade que os libros son unha boa opción nas cartas dos Reis Magos, porque de certo que os xoguetes xa encheron as casas na Noiteboa. Aí fóra agardan por nós mil e unha interesantes lecturas: estas que traemos aquí e moitas outras!

    Lembrade tamén facer os vosos encargos nas librerías de proximidade!

DERRADEIRO MARTES INCLUSIVO DESTE CURSO

    Hoxe publicamos a derradeira entrada (deste curso) do recuncho Martes Inclusivo que abrimos no terceiro trimestre. É a quenda de Alí Babá.

MARTES INCLUSIVO

    É martes e toca... conto inclusivo!

PACO PAPÁN

MARTES INCLUSIVO

                                                    O CAZO DE LORENZO

MARTES INCLUSIVO

Martes adicado a lecturas inclusivas. 

Hoxe POR CATRO ESQUINIÑAS DE NADA

 

RECUNCHO LECTOR: MARTES INCLUSIVO

Iniciamos no derradeiro mes de clase un novo apartado LECTURAS INCLUSIVAS. Comezamos cunha lectura relacionada co noso PDI  e o Proxecta Aliméntate ben.

A MELLOR SOPA DO MUNDO

XOVES LECTORES NO PRIMEIRO TRIMESTRE (segunda parte)

Antes de rematar o trimestre tivemos aínda moitas oportunidades de gozar cos libros na biblioteca na nosa cita no recreo  dos "Xoves lectores". Ao longo de varias semanas, os compañeiros e compañeiras de 5º e 4º debullaron historias sobre diversidade e igualdade, xestión das  emocións e as tradicións de Nadal. Estas lecturas  fixéronnos ao tempo reflexionar e desfrutar abríndonos unha morea de  sentimentos por descubrir.



"MONSTRUO ROSA". 6º de Primaria

"LAS CHICAS PUEDEN CON TODO". 5º de Primaria

"FRIDA KAHLO". 4º de Primaria

"O SEGREDO DE FLORA". 6º de Primaria

 "O APALPADOR". 4º de Primaria

"HOMIÑO DE MAZAPÁN". 4º de primaria

E SEGUEN OS XOVES LECTORES

Un curso máis desenvólvense (xa dende o pasado outubro) os tradicionais "Xoves lectores". 
Os maiores da escola, os de  6º de Primaria son os que abren o camiño, ainda que a moitos nenos e nenas dos cursos inferiores non lles da chegado a súa quenda.

Estes son os primeiros contos que se leron: lecturas inclusivas, estacionais e temáticas da época.

Elena de 6ºA leu "O avó de Zulaimar"

Gabriel e Sara de 6ºA leron "O poliño da abeleira"

Nano e Uxía de 6ºA leron "Samuel casi no tiene miedo"