AS RECEITAS RECOLLIDAS NO PDI

 Procuramos a alimentación sa e como bos cociñeiros fomos recollendo receitas das familias. Aqui tedes unha presentación coas que recollemos en galego, castelán e inglés

LEMBRANDO: 4º e a ciencia

 Son moitas as actividades científicas que estes nenos e nenas desenvolveron durante o curso, ademais de todo o traballo que fixeron para o PDI. Estas son algunhas delas.

No mes de Xaneiro e aproveitando a temática do PDI de coidado do planeta pescudaron nos seus problemas, ao tempo que lían o libro do proxecto "Patios verdes, residuos cero" Non é máis ca un.

Tamén fixeron unhas pescudas sobre inventos e inventores

LEMBRANDO: OBRADOIRO DE ESCRITA EN INFANTIL. NADAL

 

LEMBRANDO 22-23: Mural do Círculo no patio, infantil

 Todo o grupo de infantil foi pasando nos primeiros días de cole a encher este mural compartido no noso precioso patio e pintar nel os círculos que quixemos. Unha estupenda oportunidade de xuntarnos e dar a benvida ós compañeiros de 3 anos, recén chegados ao cole.

NOVO CONTACONTOS DAS NENAS DE 2º

 Cando pensabamos que as estupendas sesións de contacontos remataran, hoxe atópamonos por sorpresa cunha nova invitación dos nenos e nenas de 2º. na hora de ler xuntámonos todos os compañeiros de infantil, 1º e 2º e gozamos coa representación e lectura do conto Un rico pastel de Christian Voltz.

DE NOVO UNHA FAMILIA EN 3 ANOS

 Desta volta, os pais de Sara achegáronse ata a aula para facer gozar os cativos cun conto moi especial A que sabe a lúa. Mágoa que moitos compañeiros estivesen "maliños" e non puidesen escoitar este precioso conto.

SEGUNDO A TODA MÁQUINA

 Os nenos e nenas de 2º de primaria colléronlle gusto a animar a hora de ler e, unha semana máis, petaron nas nosas portas e entraron cunha nova lectura. Infantil, 1º e 2º escoitamos encantadísimos o conto A señora Spider que Héctor, Álvaro e Martín nos contaron. Que ben! Xa estamos agardando pola seguinte!

OS TRES PORQUIÑOS EN TEATRO

 Lois e Beltrán, de 4 anos, improvisaron no teatriño da aula unha versión moi particular do conto Os tres porquiños, un dos seus favoritos durante todo o curso. Coa dramatización e o xogo tamén traballamos o gusto pola lectura.  Non foron os únicos en atreverse. Enseguidiña subiremos outra peza "especial" creada por outros dous cativos da aula.

AS FAMILIAS CONTAN

 As familias tamén contan. Esta semana o pai e maila nai de Angel de 3 anos achegáronse ata a súa aula para agasallar ós nenos cun estupendo conto. Elmer, o elefante, protagonizou esta xornada tan especial. Graciñas, familia!

NOVO CONTACONTOS DE 2º

 Los besos del lobo feroz é o novo conto que un grupiño de nenas e nenos de 2º contaron na hora de ler os compañeiros de infantil e primeiro. Encantounos o conto e gozamos moito indo unha vez máis á biblioteca.