DE NOVO UNHA FAMILIA EN 3 ANOS

 Desta volta, os pais de Sara achegáronse ata a aula para facer gozar os cativos cun conto moi especial A que sabe a lúa. Mágoa que moitos compañeiros estivesen "maliños" e non puidesen escoitar este precioso conto.

AS FAMILIAS CONTAN

 As familias tamén contan. Esta semana o pai e maila nai de Angel de 3 anos achegáronse ata a súa aula para agasallar ós nenos cun estupendo conto. Elmer, o elefante, protagonizou esta xornada tan especial. Graciñas, familia!

NOVA RECEITA DE NADAL

 Noa e Xián metéronse na cociña e fixeron unha riquísimas galletas de Nadal. Ademais das fotos enviaronnos unha estupenda explicación de todo o proceso. Coido que seguindo as súas indicacións seremos quen de facelas tan ricas como semellan estar as súas.

PRIMEIRA SOBREMESA DE NADAL

 Xa estamos metidos na cociña para atender a petición de cociña creativa de Nadal! A primeira receita chega dende Aldara de 1º de primaria, riquísimas galletas de follado con chocolate.

Ingredientes:

Lámina de follado

Chocolate

Moldes

Ovo para pintar(opcional) 

ARRANCA A DECORACIÓN DE NADAL COAS AULAS E FAMILIAS

 Xa chegou o mes de decembro e o Nadal está no aire e nas luces da nosa cidade. No cole temos cáseque todo preparado. A actividade nas aulas é frenética. Nas familias tamén comezan os preparativos. Sara de 3 anos é a primeira en enviarnos o seu homiño.

E os nosos corredores xa se están a preparar para dar acubillo á exposición de Nadal e a nosa árbore colaborativa...e seica nos agarda tamén algunha sorpresiña máis.

ACTIVIDADES PARA AS FAMILIAS

 Animádevos a participar nas actividades que preparamos para as familias. Podedes facer unha ou varias das propostas. Enviade todo ó noso correo <parrococamilo@gmail> ou á vosa aula. Estaremos encantadas de recibilas e compartilas con todos.

NOVO BODEGÓN

 Vimos de recibir unha nova aportación ao nosa actividade de bodegóns de outono. Xosé de 4 anos envía estas estupendas fotos de matemáticas e elementos de outono. Parabéns!

NOVA FOTO DE BODEGÓNS

 Xián de 1º de primaria envía tamén a súa foto do bodegón matemático de outono. Formas e cantidades xuntanse nesta composición. Parabéns!

Mentres, seguimos engadindo as achegas recibidas na presentación virtual de cabazas. Ollade no lateral tódalas novidades!

 

OUTRA FOTO PARA OS BODEGÓNS DE OUTONO E MATEMÁTICAS

Julián e Abril enviaron este "bodegón matemático". Estupenda aportación. Parabéns!

EXPOVIRTUAL SAMAÍN FORMAS ENCANTADAS

 Aínda que seguen chegando cabazas porque estes días son os propios de facelas e iremos incorporando todas segundo nos cheguen, imos amosándovos xa as que temos montadas na nosa expo virtual de cabazas...moiiiii matemáticaaaaas!!! Non esquezades seguir pasándovos dentro duns días para ver as novas incorporacións. 

...E MÁIS FOTOS DE FORMAS NA NATUREZA E BODEGÓNS MATEMÁTICOS

 Aldara de 5 anos atrévese tamén coa composición dos bodegóns matemáticos e procurou formas a carón da súa casa.

PINGA A PINGA SEGUIMOS DANDO ENTRADA A MÁIS CABAZAS MATEMÁTICAS!

Incorpóranse á nosa colección de cabazas estas que chegaron onte e hoxe...

ALDARA de 5 anos envía estas cabazas con cara MATEMÁTICA...Que medo!

IAGO de 4 anos amósanos a súa "cabeza"

PRIMEIROS BODEGÓNS DO OUTONO MATEMÁTICO

 Leila de 5 anos é a primeira que nos envía fotos para a exposición de botegóns matemáticos. Mirade que ben o fixo.

No seu primeiro bodegón Leila fixo unha composición utilizando cousas das que só tivese unha unidade,  dúas unidades, 3 unidades,... e así ata 8.

Na segunda foto  buscou cabazas no  campo e como vedes atopou moitas.

E na terceira  fixo formas... triángulos unha línea curva, un círculo, uns rectángulos unha línea recta,...

Fenomenal traballo! Parabéns!

SEGUIMOS A RECIBIR CABAZAS!

 O traballo coas cabaciñas continúa. Xa estamos montando a exposición virtual que poderedes ver dende a fin de semana, metidos de cheo xa na celebración do Samaín nas casas e nas rúas. Mentres seguimos publicando as magníficas cabazas que nos ides enviando.

Estas son as que chegaron onte e hoxe!

HÉCTOR DE 1º DE PRIMARIA envía esta cabaza dinosaurio de CATRO pinchos que ademais está NO MEDIO, entre dúas velas.

GRETA da aula de 4 anos. ANTES E DESPOIS Cantas cabazas vedes? UNHA, DÚAS?.

RAÚL  da aula de 5 anos primeiro fixo un boceto do que lle gustaría e despois púxose mans á obra. Saíulle unha bruxa-cabaza cun sombreiro moi matemático.

NOVOS BODEGÓNS

Outra familia achegounos unhas estupendas fotos de bodegóns de outono. Noraboa. Un traballo impresionante o que estades todos a facer. Animádevos... o outono non rematou; e xa ven aí o inverno con novas propostas fotográfícas.

PRIMEIROS BODEGÓNS

Estas son as primeiras creacións que nos enviastes para a exposición  "O noso Outono". Sodes uns artistas! Noraboa! Pouquiño a pouco iremos ensinándovos as que non vaian chegando. Lembrade que  podedes enviárnolas durante toda a estación.