RETO DA TORRE E O CONTO DE AQUILINO

 O "Reto da torre" foi a proposta que, no mes do libro e para celebrar o Día das Artes Galegas -adicado a Domingo de Andrade-,  nos propuxeron os mouchiños. Polo de agora foron os nenos de infantil os que aceptaron o reto. Podedes velo no blog de infantil "Follas de moreira".

O segundo reto proposto era unha proposta plástico-literaria arredor de dous contos. "Aquilino pinta unha nube e un camaleón" e "Minimaladas". Temos xa recollidos os traballiños que xa mandaron algunhas aulas... a de 1º e a de 3º e un voluntario de 2º que tamén quixo participar. Graciñas e parabéns a todos!

ADA E NOA LEN A ROALD DAHL

 Ada (2º de primaria), Noa (4º de primaria) e o seu pai len as bruxas de  Roald Dahl traducido por Xela Arias, autora homenaxeada nesta vindeira celebración do Día das Letras Galegas. 

OUTRO MAIO FAMILIAR

 Enzo de 3 anos e Leyre de 6º envíannos a foto do seu Maio. Que ben que sigamos a manter as tradicións!

A TRADICIÓN DA XESTA

 Unha xesta na porta da casa ou na cancela é o que non hai que esquecer se queremos que todo o ano vaia ben e non nos entre un maio malo. Mencía e Lucas de 4 e 3 anos así nolo amosan nesta foto que enviaron.

PRIMEIRO MAIO EN FAMILIA

 A familia de Xián e Noa, de 2º de primaria e 4 anos, é a primeira en participar na actividade dos Maios. Tamén fixeron os tradicionais colares de pampillos e xa vedes que ben o pasaron!

Fenomenal traballo. Parabéns!

ESCOLLA DE RELATOS TRADUCIDOS POR XELA ARIAS

 Esta é unha escolla de relatos dos moitos que contén o libro de Gianni Rodari "Contos ao teléfono" traducido pola nosa protagonista das Letras Galegas Xela Arias. As familias podedes escoller o que queirades e lérnolo, tal como explicamos na carta da biblioteca. Na entrada anterior téde-las ideas para "cadros con libros"

PODEDES ACCEDER ÓS RELATOS AQUÍ