PRIMAVERA, PRIMAVERA...DÍA DA POESÍA

 Primeiro as agachadiñas e despois coma un estouro poético, o noso cole e mailo xardín cubríronse de mil e un poemas adicados a Rosalía, á beleza do bosque, as plantas e ... non si? á creación completamente libre. Copiadas de autores senlleiros ou creadas por nós; improvisando e xogando coas rimas; formando caligramas; recreando poemas coñecidos... Pequenos e grandes, argallaron un festival de primavera en galego e máis en castelán.Tódolos recunchos do cole compartiron eses momentos máxicos de homenaxe ás palabras harmoniosas e rimadas. As nosas árbores moi mimadas no PDI deste curso puideron tamén gozar destas emocións grazas ó bo tempo deste comezo de estación.

MES DE ROSALÍA, ÁRBORES E POESÍA

 Na radio, na aula stem, no traballo cotiá e na solta do Día da poesía o noso cole encheuse durante este mes cos versos de Rosalía, ademais de estar presente no xardín e nas árbores do patio, seguindo o traballo co noso PDI.

A HORTA ESCOLAR PÓNSE EN MARCHA

 Como xa contamos no outro blog a horta escolar púxose en marcha para celebrar a Rosalía de Castro e preparar o seu caldiño de gloria. Neste PDI  no que tamén falamos de alimentación saudable e sostible, o caldiño tradicional galego reúne tódolos ingredientes precisos para coidar a nosa saúde e a da nosa terra.

Son xa moitos os cursos que foron pasando pola horta para plantar as súas berzas, patacas e fabas e agora foi de novo a quenda dos nenos e nenas de primeiro. Deixamos aquí as entradas feitas. 

COMEZAMOS NA HORTA CO CALDIÑO DE GLORIA

SEGUIMOS COA HORTA

3º TAMÉN SEMENTA

DESPOIS DAS XEADAS SEGUIMOS

ROSALÍA EN INFANTIL E PRIMARIA

 As bonequiñas viaxeiras de Rosalía chegaron xa a moitas casas transportando o poema Miña casiña meu lar que é o centro do traballo rosaliano neste curso, vencellado ó traballo do noso PDI. Podedes ver as fotos que xa temos nestas entradas do noso blog fonte dos frades. Son moitos máis os cursos que fixeron a a súa Rosalía, pero  esqueceron facer fotos. Non pasa nada; xa sabemos que o importante é participar!

AQUI E AQUI

COMEZA A PARTICIPACIÓN DAS FAMILIAS CON ROSALÍA

 Julia de 2º de primaria abriu camiño adicando esta fantástica dramatización da receita do caldo á Rosalía de Castro. Agardamos que moitas e moitos máis se animen.

Podedes velo no blog de Fonte dos Frades. AQUÍ

DÍA DE ROSALÍA. PROPOSTA PARA AS FAMILIAS

  O 23 de febreiro celebramos o Día de Rosalía de Castro, aniversario do seu nacemento. Neste curso, mergullados no noso PDI arredor da alimentación sana e sostible, acáenos moi ben traballar co seu poema Miña casiña, meu lar onde fala do caldiño de gloria e doutra elaboración tradicional, o bolo do pote. Nós imos traballar todas estas cousiñas nas aulas no que queda de trimestre e no vindeiro. Invitámosvos a participar desta receita connosco: 

Elaborade un caldiño de gloria ou o caldo galego que acostumades a facer e amosádenolo nunha foto ou vídeo. Ao mesmo tempo escollede uns versos do poema e escribídeos ou recitádeos.

Podedes se queredes pescudar tamén na elaboración do bolo de pote e cociñalo ou pasarnos a receita. Aquí tedes o anuncio da invitación que vos facemos. Non hai límite de tempo. Podedes participar no momento do curso que queirades.