Todo o grupo de infantil foi pasando nos primeiros días de cole a encher este mural compartido no noso precioso patio e pintar nel os círculos que quixemos. Unha estupenda oportunidade de xuntarnos e dar a benvida ós compañeiros de 3 anos, recén chegados ao cole.
.jpg)
.jpg)
.jpg)
Os nenos e nenas de 5 anos fixeron un estupendo proxecto arredor da alimentación abondando no contido que traballamos no noso PDI deste curso. Escoitade todo que saben!
O pasado martes 9 de maio tódolos nenos e nenas do cole recibimos a visita dos monitores de FAI CLIC AO TEU BOCATA.
Este programa pretende abondar nas vantaxes para a nosa saúde dunha alimentación sa. Os bocatas mudan os seus ingredientes cotiás por peixes en conserva e verduras que os fan máis apetecibles, sans e sostibles. Abondamos, logo, de xeito experiencial nos obxectivos que persegue o noso PDI anual. Tedes as fotos dos xogos e traballos no blog fonte dos frades
Os nenos e nenas de infantil 1º e 2º gozamos unha xeira máis de contacontos na hora de ler. Desta volta o xoves e mailo venres escoitamos a dous grupos de 4º que nos contaron as historias de Bruno e de Rot.
Primeiro foi a quenda de Candela, Lara e Daniela, lectoras xa de O gato lambón nas semanas pasadas, que leron Bruno. Despois foron Sabrina e Lucas os que se atreveron con Rot el más guapo del mundo. Fixérono moi ben e gustáronnos moito ambolos dous contos.
ROT
.jpeg)
.jpeg)
Ezequiel, de 5º de primaria, foi o protagonista da sesión de contacontos deste xoves no recreo. La gran fábrica de palabras foi o conto escollido. Unha historia fermosa sobre o valor de cada palabra.
.jpeg)
.jpeg)
.jpeg)
.jpeg)
Hai algún tempo xa nos lera no recreo e agora quixo repetir. Parabéns, Ezequiel!
Como adoitabamos facer antes da pandemia, este xoves tódolos cativos de infantil fomos ao teatro da fundación a gozar coa maxia do teatro. Feo foi a obra coa que nos agasallou un único actor que fixo desfilar diante nosa unha morea de parrulos para contarnos unha particular interpretación do conto clásico O parrulo feo. Con ela aprendemos a importancia da diversidade. Foi unha interpretación un chisquiño dificil para nós, pero fomos quen de gozar coa atmosfera de cores, luces e efectos especiais que nos chegaban dende o escenario. Abofé que, malia dificultade da historia, pagou a pena a viaxe! Dende agora non quereremos só parrulos amarelos, senón de tódalas cores!
.jpeg)
.jpeg)
.jpeg)
.jpeg)
Mentres os pequenos de 3 e 4 anos seguen traballando a expresión oral e a comunicación nos dous programas que teñen abertos na nosa radio escolar, os compañeiros de quinto están a preparar o seu propio programa. A lectura dos cómics que realizaron na clase de lingua sobre os problemas do planeta é o contido das súas lerias radiofónicas. En canto rematen de montar poderemos escoitalo.
.jpeg)
.jpeg)
.jpeg)
.jpeg)
.jpeg)
.jpeg)
A escritora María Canosa foi a primeira autora en chegar ata a nosa biblioteca neste mes de abril, tan significativo para os libros e os lectores. Os nenos de 3º 3 4º tiveron a sorte de coñecela e falar con ela despois de ler o seu libro Cazadora de estrelas. No blog fonte dos frades tedes a crónica da visita e do interesante que falar con ela dos libros e da escritura literaria. Agardamos xa con ilusión as súas futuras visitas e as das outras autoras que tamén van vir nos vindeiros días.
Dende o mes de marzo temos en funcionamento a nosa nova radio escolar. As profes estamos xa a formarnos nas aplicacións educativas desta tecnoloxía de sempre e os peques máis atrevidos están facendo as súas primeiras probas. Non é a primeira vez que a radio aterriza nos nosos proxectos do cole. O pasado curso, e cunha radio de prestado, pequenos e maiores gravaron diversos podcast dentro do PDI "Pedra a pedra. As orixes da Ciencia".
Gustounos tanto a experiencia que decidimos ter unha radio para nós. Témola xa instalada dentro dun dos espazos do 1º andar. Vimos de crear unha canle propia en IVOOX, Canal radio camilo 22-23, dende o que lanzaremos ó aire as cousas que nos apetece contarvos e diversas experiencias de aprendizaxe que vaiamos levando adiante. Queremos que cada neno e nena conte as súas cousas e todos sexan autónomos no seu manexo e no deseño dos programas. Paso a paso, o primeiro é aprender a falar nun micrófono... e nesa andaina estamos xa mergullados!. Podedes escoitar xa os primeiros faladoiros dos pequenos de 3 e 4 anos.
