PDI: MALETAS VIAXEIRAS

Tres maletas co lema "Polo mundo adiante" están a rolar polas nosas aulas con material para a "hora de ler" relacionado co noso PDI. Dúas delas viaxan polos cursos de Primaria, unha comezando por 6º e outra en 1º. Pouquiño a pouco a todos lles irá chegando a súa quenda. A terceira das maletas está en infantil que compartirá tamén con 1º de Primaria a súa lectura.

MALETA DE INFANTIL

MALETA 1 PRIMARIA

MALETA 2 PRIMARIA

1ª MALETA VIAXEIRA: TEMÁTICA ARTES

Comezou a súa viaxe polas aulas a 1º maleta viaxeira deste curso. Leva dentro libros e contos relacionados coa arte para tódalas idades, en especial pintura e manualidades. Ademais de libros sobre museos ou pintores famosos. 
Os nenos e nenas de 6º levan xa unha semana desfrutando dela na hora de ler e aínda poderán bucear nela unha semana mais. 
A ver se son quen de sacar os artistas que levan dentro!.

MALETA DE POESÍA

Unha nova maleta rula polas aulas de Primaria dende hai uns días. Desta volta é un préstamo do Cefore de Vigo. A temática ...a poesía. Botade unha ollada ás interesantes aportacións que viaxan dentro dela.

OS DE SEXTO DESFRUTAN COA MALETA DE CIENCIAS

Empezan a chegarnos fotos dalguns cursos que visitaron a biblioteca para desfrutar coa maleta de ciencias. Sabemos de boa tinta que son moitos mais os que baixaron a ver que cousas curiosas agochaba no seu interior.

UNHA NOVA MALETA DE CIENCIA

Xa temos na biblio unha maleta de Ciencia procedente de Santiago da Asesoría de bibliotecas.Un interesante material para desfrutar de entretidas lecturas científicas.

A MALETA VIAXEIRA CHEGA A INFANTIL

Por fin, tras meses de espera chega a infantil a maleta viaxeira de "títulos matemáticos" que comezara a súa viaxe alá polo mes de novembro promocionada polo noso amigo Reilibro. 
Empezou a última parte da súa viaxe na clase de 4 anos. Os nenos e nenas desta aula levan desfrutando toda a semana pasada da mesma e xa se despiden con moita  pena das lecturas que lles aconsellou o mouchiño. Cando os libros volvan á biblioteca estou segura de que todos quereran levalos en préstamo para as casas.

OS DE 6º NON PARAN. DOS TÍTULOS MATEMÁTICOS Á BANDA DESEÑADA

Esto de ser os maiores do cole é o que ten. Hai que ser valentes é probar todo de primeiros. No empeño dos Lumimouchos de dotar ás bibliotecas de aula de lecturas diversas para á "Hora de Ler", tocoulles a eles primeiro recibir A MALETA DOS MOUCHOS, como xa vos informamos hai algunhas semanas. O que non vos ensinamos daquela foron as fotos de como foron buscala á biblioteca, onda REILIBRO, e como desfrutaron das lecturas que nela se agochaban. Tede en conta que na maleta hai libros diferentes e adaptados a tódalas idades das aulas polas que ten que pasar. Daquela estes nenos atoparon canda lecturas moi "sesudas" outros libros mais sinxeliños que no seu momento desfrutarán os de infantil. Se lle botades unha ollada ás súas caras mesmo desfrutan cuns que cos outros...o importante É LER!

Agora que a MALETA xa está en 4º de Primaria a eles tocoulles estrenar unha segunda maleta. Desta volta adicada á banda deseñada e que xa só desfrutaran os de Primaria. Nas fotos veredes que estas lecturas tamén espertaron o seu entusiamo.