SEGUIMOS COS CONTACONTOS NO RECREO

 Os nenos de 5º de primaria seguen a cumplir o seu papel de animadores da biblioteca. Desta volta tocoulle a Marcos e Noel que leron Soy el mejor. de Lucy Cousin

Uns días despois foi Ezequiel quen contou o conto de Enfadados de Roberto Aliaga

ROSALÍA EN INFANTIL E PRIMARIA

 As bonequiñas viaxeiras de Rosalía chegaron xa a moitas casas transportando o poema Miña casiña meu lar que é o centro do traballo rosaliano neste curso, vencellado ó traballo do noso PDI. Podedes ver as fotos que xa temos nestas entradas do noso blog fonte dos frades. Son moitos máis os cursos que fixeron a a súa Rosalía, pero  esqueceron facer fotos. Non pasa nada; xa sabemos que o importante é participar!

AQUI E AQUI

COMEZA A PARTICIPACIÓN DAS FAMILIAS CON ROSALÍA

 Julia de 2º de primaria abriu camiño adicando esta fantástica dramatización da receita do caldo á Rosalía de Castro. Agardamos que moitas e moitos máis se animen.

Podedes velo no blog de Fonte dos Frades. AQUÍ

DÍA DE ROSALÍA. PROPOSTA PARA AS FAMILIAS

  O 23 de febreiro celebramos o Día de Rosalía de Castro, aniversario do seu nacemento. Neste curso, mergullados no noso PDI arredor da alimentación sana e sostible, acáenos moi ben traballar co seu poema Miña casiña, meu lar onde fala do caldiño de gloria e doutra elaboración tradicional, o bolo do pote. Nós imos traballar todas estas cousiñas nas aulas no que queda de trimestre e no vindeiro. Invitámosvos a participar desta receita connosco: 

Elaborade un caldiño de gloria ou o caldo galego que acostumades a facer e amosádenolo nunha foto ou vídeo. Ao mesmo tempo escollede uns versos do poema e escribídeos ou recitádeos.

Podedes se queredes pescudar tamén na elaboración do bolo de pote e cociñalo ou pasarnos a receita. Aquí tedes o anuncio da invitación que vos facemos. Non hai límite de tempo. Podedes participar no momento do curso que queirades.

SEMANA DA TROULA. CUMPLIMOS

 Tedes aquí as fotos dos mandados. E coma sempre dicimos non están todos os que son, pero xa estarán Parabéns a tódolos participantes!!

VENRES DE ENTROIDADA

     Tiñamos gañas de vivir a tope esta data festeira no calendario do noso cole. Este curso por fin puidemos retomar a tradición que tiñamos dende tantos e tantos anos. Estas semanas atrás foron unha fervedoira de preparativos e traballos nas aulas dando forma os disfraces que cada grupo deseñou. Preparativos, feitura de disfraces, mandados trouleiros de Leonardo, feitura de coplas e testamento, carautas, antifaces e ensaios do baile quedaron xa atrás. Agora só queda amosarvos como trancorreu o día grande a tódolos que non puidestes acompañarmos.

Para todos grazas polo voso apoio e axuda. Gozade do vídeo e do entroido que enche estes días as rúas.

NOVOS CONTOS NOS XOVES DE BIBLIOTECA

 Chocolata e Las muñecas no son para las niñas son os dous contos que nestes pasados xoves animaron a biblioteca. 

Primeiro foi a quenda de  Aldara e Alex de 5º de primaria

A segunda quenda foi para Zoa e Zoe de 5º de primaria, lectura tamén compartida cos nenos e nenas de 1º de primaria.

SEMANA DA TROULA

 A piques de comezar a semana da troula e festexar o entroido, coas nosas aulas a rebentar de preparativos e traballos, dámosvos a coñecer ó noso Meco Leonardo Comellón e ós seus mandados. Cumpride estes días todo o que nos diga; non sexa que nos encha co seu lixo e teñamos problemas. Xa veremos se somos quen de lle gañar a batalla e somos nós os "comedores" cos mellores hábitos do mundo!!

Moita atención, meus!

30 DE XANEIRO: DÍA DA PAZ E DÍA DA ILUSTRACIÓN

 Xúntanse no mesmo día dúas celebracións importantes: O Día da Paz e o Día da Ilustración en Galicia.

Despois dos estupendo obradoiros de lectura e reciclaxe nos que nos mergullamos a semana pasada, hoxe tocaba dar o toque final á nosa actividade. Que mellor que xuntarnos e compartir a colocación no mural da entrada de tódolos elementos nos que estivemos a traballar!.

O puzzle que compomos entre todos é un cadro pintado por María Antonia Dans, pintora a quen se lle adica o Día da Ilustración este ano 2023. A nós a súa obra, chea de motivos mariñeiros e agrarios, acáenos moi ben no desenvolvemento do PDI. Daquela enseguidiña escollemos este precioso barco largando ás redes para facelo noso e colocar nel a nosa rede e os nosos peixes de solidariedade e bós hábitos. con moita paciencia, colocamos as pezas, cada curso a súa, pegamos os peixiños feitos e rematamos de coser os catro grandes anacos de rede feitos en cada obradoiro.

Aquí deixamos testemuña do frenético traballar de todos e todas a caron de todos ata rematar un precioso, e cheo de contido e vivencias, mural da Paz.

SEMANA DE CONTACONTOS POLA PAZ

 Tivemos, tamén semana de contacontos compartida. Tódolos nenos e nenas de infantil ata 3º de primaria recibiron a visita duns estupendos contacontos que foron contando o conto Non é máis ca un (Solo es uno) e animaron a todos a pensar sobre as pequenas accións que poden mudar a vida de todos e con nós do noso planeta.

lectura en 2º

lectura en 3º

lectura en 5 anos

lectura en 3 e 4 anos 

lectura en 1º

Todos estamos a  tomar conciencia da importancia de reutilizar e consumir menos e mellor. Con este conto fomos quen de ver que as pequenas cousas suman moito cando queremos conseguir aalgo bó para todos.