IDEAS DE CADROS CON LIBROS PARA AS ACTIVIDADES EN FAMILIA

 

MARCALIBROS FROITEIROS TAMÉN EN 3º

 Os nenos e nenas de 3º andan a pescudar sobre os limóns e daquela aproveitaron esta froita para facer os seus marcalibros.

DÍA DO LIBRO EN 4º DE PRIMARIA

 Os nenos e nenas de 4º de Primaria fixeron un estupendo marcapáxinas en forma de mandarina, froita na que teñen que pescudar nas súas tarefas do PDI.

23 de abril. DÍA DO LIBRO

 Aínda que a lectura e as actividades arredor dos libros son un costume ben enraizado no noso cole, o día do libro celebrámolo sempre dun xeito especial. Dende principios de mes hai unha serie de propostas a dispor de todos na biblioteca virtual, nas que as distintas aulas xa están a traballar, ademáis de ler e pescudar sobre os distintos elementos que precisamos para completar o traballo da segunda paprte do noso PDI.

Entre as actividades especialmente adicadas a este día destacan as suxerencias lectoras por parte de toda a comunidade. O foro de suxestións  na aula virtual xa está medrando con propostas diversas e algunhas aulas xa fixeron marcalibros e entrénanse coma "booktubers"; mellor, coma voceadores de libros.

SABELA GAGO VISÍTANOS

 Primeiro e segundo de primaria nos seus grupos burbulla e con tódalas medidas de seguridade desfrutaron da visita da contacontos Sabela Gago. Unha experiencia distinta nun curso distinto.

AS FROITAS COMEZAN A DESFILAR

 Mergullados xa no desenvolvemento da segunda parte do PDI, no que nos achegamos ás cores de Asia a través das froitas que viñeron daquelas terras, recibimos o primeiro traballo. 1º de primaria pescudou sobre a pera e compuxo a 1º folla do "libro das froitas do mundo" que imos elaborar. Participaron tamén na actividade de papiroflexia.

MULLERES EN 4º DE PRIMARIA

 Os nenos de 4º de primaria traballaron conxuntamente a prensa e as mulleres inventando novas e desenvolvendo a súa  vertente creativa. Dentro do PDI afondaron no traballo de Isabel Zendal que poderemos ver no blog adicado a este proxecto da biblio.

MÁIS MULLERES CIENTÍFICAS

 Publicamos algunhas cousiñas que quedaron atrás no seu momento. 

Estes datos sobre diferentes mulleres foron recollidos polos nenos e nenas de 1º de primaria

O ciclo de infantil publicou xa hai tempo o seu traballo sobre as mulleres científicas que podedes ver neste enlace

Os  de 3 anos fixeron en pequenos grupiños os traballiños que aquí vedes.

ABRIL: O MES DOS LIBROS

 "Abril, libros mil" comeza con dúas celebracións importantes: O Día internacional do libro infantil que celebraremos ao longo de todo o mes con mil e unha lecturas e o Día do Autismo. Para esta segunda celebración deixámosvos un conto "especial": Mi amigo extraterrestre. Con el podemos poñernos na pel dos que se senten "distintos" e precisan da nosa axuda para entender o mundo que os arrodea.

                                                     

                                              MI AMIGO EXTRATERRESTRE

OS DE SEGUNDO LEN OS XORNAIS

Os nenos de 2º traballaron cos xornais na pasada Semana da prensa no mes de marzo e escolleron a nova que máis lles chamou a atención.