Respondendo á petición da biblioteca de traballar arredor dos libros de Eva Mejuto, a aula de 3º escolleu "A casa da mosca chosca" para crear os seus propios relatos a partir do texto orixinal. Ademais neste momento do trimestre no que vimos de rematar as nosas pescudas sobre o mundo dos insectos, esta preciosa historia é moi acaída.
Vede o que inventaron estes estupendos escritores. Parabéns!
Ao longo deste trimestre tamén os nenos e nenas de 3º probaron a facer os seus propios experimentos. Así nolo contan.
ADRIÁN
CLARA
Ada de 2º de Primaria envía dende casa unha receita con nésperas, a froita que lles tocou traballar no PDI.
Os nenos e nenas de 3º andan a pescudar sobre os limóns e daquela aproveitaron esta froita para facer os seus marcalibros.
Os nenos e nenas de 4º de Primaria fixeron un estupendo marcapáxinas en forma de mandarina, froita na que teñen que pescudar nas súas tarefas do PDI.
Mergullados xa no desenvolvemento da segunda parte do PDI, no que nos achegamos ás cores de Asia a través das froitas que viñeron daquelas terras, recibimos o primeiro traballo. 1º de primaria pescudou sobre a pera e compuxo a 1º folla do "libro das froitas do mundo" que imos elaborar. Participaron tamén na actividade de papiroflexia.
Publicamos algunhas cousiñas que quedaron atrás no seu momento.
Estes datos sobre diferentes mulleres foron recollidos polos nenos e nenas de 1º de primaria
Esta semana e coincindindo coa celebración do Día da Muller desenvolveuse a Semana da prensa. Unha semana diferente por mor da pandemia porque os nosos corredores non puideron estar ateigados de xornais diferentes onde atopar e analizar información interesante. Aínda así os xornais estiveron, e van estar ata a fin do trimestre, presentes nas aulas na súa modalidade dixital. A prensa é un vehículo de información importante que non debemos descoidar. Recoller e analizar información de diferentes medios e de diversas fontes é unha boa arma contra a desinformación e no presente intre contra a infodemia que arrodea a pandemia da covid-19.
Os nenos de 1º coñeceron a través dela a unha importante muller nas pescudas científicas que sostiveron o desenvolvemento das vacinas. Eles, que na súa parte do PDI tamén estudaron as vacinas, tiveron así outro punto de vista interesante do tema.
Para visibilizar o traballo arredor do tema imos comezar falando da particular ollada dos pequenos das clases de infantil.
Os nenos de 4 pescudando no mundo dos "laboratorios" achegaronse á Marie Curie. Coñecérona lendo o conto que forma parte da nosa maleta viaxeira de mulleres
Os de 5 pescudaron nas cousas que lles podían aportar dúas científicas importantes á súa loita contra os mocos e o coronavirus dentro do seu proxecto pirata. Tratábase da astrónoma Hipatia de Alejandría e a viróloga Margarita Salas. Un luxo de axudantes na súa misión!
Investigaron como eran os seus traballos de astrónoma e viróloga e que precisaban para facelo ben. A palabra astrónoma éralles descoñecida e moito máis viróloga. Despois de reflexionar, enseguidiña relacionaron os astrónomos coas estrelas e lembraron que nos barcos é moi importante coñecer o ceo para poder orientarse. Só faltaba averiguar que instrumentos usaba un astrónomo nos tempos de Hipatia... Unha olladiña a internet e listo... O astrolabio!
A presentación dos debuxos completa porémola en "Follas de Moreira"
Pescudando nos xornais van seguir investigando no uso do microscopio e no labor doutra Margarita importante. Margarita del Val. Xa vos amosarán as fichas que farán coa información.
2º de Primaria decidiu matinar sobre as mulleres importantes na nosa vida. Son as que non saen nos libros nin nos xornais, pero están aí levándonos da man no noso medre como persoas. Isto foi o que eles debuxaron.
Neste día tan especial andamos todos as voltas co noso "caderno de científicas" co que queremos facer unha escolma dalgunhas das mulleres destacadas na historia da ciencia, en xeral, e da mediciña e bioloxía en particular. Son mulleres de onte e de hoxe. Mulleres que puxeron os alicerces e mulleres que hoxe seguen o seu ronsel.
Esta é tamén a nosa homenaxe a todas aquelas mulleres que apoiaron e apoian os coidados e a investigación nesta pandemia. Todas elas forman parte de equipos de colaboración de homes e mulleres nos que quixeron - e queremos- ser partícipes, ao mesmo nivel e dando o protagonismo "ós e as" que o teñen; sen esquecer a ninguén polo seu xénero. Aínda que hoxe traiamos aquí só ás mulleres...
Nós estamos a facer o noso traballo nas aulas. Vós se queredes podedes tamén entretervos e informarvos coñecendo estas mulleres especiais. Son só unha pequena parte das moitas que traballan nos laboratorios e das moitas heroínas anónimas dos hospitais e os ambulatorios.
A tódalas que hoxendía pescudan e actúan contra o coronavirus todo o noso agradecemento
MARGARITA SALAS VIRÓLOGA
MARÍA BLASCO VIRÓLOGA
ÁFRICA GONZÁLEZ INMUNÓLOGA
ALICIA ESTEVEZ TORANZO (GAL) MICROBIÓLOGA
MARISOL SOENGAS GONZALEZ (GAL) MICROBIÓLOGA
VANESA VALDEIGLESIAS GARCÍA (gal) BIÓLOGA
ISABEL ZENDAL (GAL) ENFERMEIRA
MARGARITA DEL VAL VIRÓLOGA
LORENA SÁNCHEZ-FELIPE INVESTIGADORA VACINAS
ISABEL SOLA INVESTIGADORA VACINAS
ANA FERNÁNDEZ SESMA VIRÓLOGA
NURIA OLIVER ENXEÑÉIRA DE DATOS
NEREA IRIGOYEN VIRÓLOGA
PILAR MARCO FARMÁCÓLOGA NANOTECNÓLOGA
MARÍA RODRÍGUEZ BIÓLOGA COMPUTACIONAL
CAROLINA VIDAL MÉDICA
MONTSERRAT BÁRCENA INVESTIGADORA COVID
ROSA MENÉNDEZ PRESIDENTA CSIC
SARA BERTRÁN DE LIS INVESTIGADORA COVID
ROCÍO SILLERAS INVESTIGADORA COVID
Nas seguintes entradas iremos dándovos conta das nosas pescudas e traballos.
É a quenda dos nenos de 3 anos. Eles achegáronse á figura de Rosalía e pintaron o seu retrato.
Tamén os de 3º de primaria amósannos máis de preto as flores poéticas que fixeron.
2º de primaria ideou novas portadas para o libro de Rosalía "Cantares Galegos"
