XOVES DE LECTURA NO PRIMEIRO TRIMESTRE

A maquinaria lectora non para, aínda que nós non sexamos quen de publicar as novidades ao mesmo ritmo. Un ano máis moitos lectores expertos e non tan expertos agardaron a súa quenda para ler nos recreos dos xoves contos ós compañeiros que se achegan ata a biblioteca. Tódalas mañás arredor das doce menos cuarto os mouchiños reciben a visita de moitos nenos e nenas que van a desfrutar da lectura, coller ou devolver préstamos, desfrutar dos xogos de ordenador  e de mesa, das manualidades programadas e  dos obradoiros permanentes. Nese rebumbio desenvólvese esta actividade lectora que non parou dende que se puxo en marcha hai xa varios anos.
Durante este trimestre estes foron os libros que se leron:

-Coa temática do Samaín:

A TODOS LOS MONSTRUOS LES DA MIEDO LA OSCURIDAD. LECTORES UXÍA E NANO DE 5º A

LA ASOMBROSA CALABAZA DE BRUNILDA. LECTORES CARLA E ESTELA DE 6º

MONSTRUOS NA ESCURIDADE. LECTORES UXÍA E ELENA DE 5º A

OS BOLECHAS VAN Á FESTA DOS CALACÚS. LECTORES LUCAS E ALEX DE 6º

-Vencellada ao obradoiro de gancho e o recuncho de "lecturas con fíos". OVELLIÑA DAME LÁ

-Coa temática do Nadal:

OLIVIA RECIBE LA NAVIDAD. LECTORAS FATU, ANTÍA E VICTORIA DE 4º

e dúas lecturas máis das que ainda non temos fotos e poñeremos noutra entrada.

OS MAGOS NO PÁRROCO

Como é xa tradición os Reis Magos non faltaron a súa cita no derradeiro día do trimestre para recoller as cartas dos nosos cativos. O paxe real, envíado especial das súas maxestades derrochou paciencia e agarimo escoitando tódalas peticións que lle fixeron dende os máis pequenos ata os maiores de 6º de Primaria. A falta de procesar tódalas fotos deixámosvos aquí as dos pequeniños do cole para que vaiades facendo boca.

Dende a biblioteca seguemos a reinvindicar as tradicións de noso e nestes días non poden faltar nas nosas casas as lecturas adicadas ós Reis Magos e mailo Apalpador, así que imos recomendarvos  dous xa clásicos para estas noites de nervios...

O NOSO MURAL DE NADAL

O mural de nadal nun curso de celebración tiña que se algo compartido coas familias e coa a ollada posta no noso centro. As cartas aos Reis Magos e os bonecos do noso logo compuxeron un precioso e traballado mural que ainda estade a tempo de desfrutar cando volvamos destas pequenas vacacións.
Coma sempre foi moita a participación das familias e tuvemos que ampliar o mural para dar cabida a tódolos bonequiños que enviastes. Grazas a todos  e aquí vos deixamos as fotos para  que desfrutedes da  vosa creatividade. 

UN AGASALLO PARA O COLE

Xusto a tempo da chegada do paxe real a semana vindeira as aulas teñen listas as súas cartas para os agasallos do cole no seu aniversario.  O conto Un agasallo diferente é o apoio desta iniciativa dos mouchiños. Neste trimestre quedámonos sen tempo de poder lelo, pero de seguro que será o primeiro que estreará o novo trimestre. Aquí vos ensinamos  como quedou a nosa árbore deste ano e ollade tamén cal son os nosos desexos...

O MURAL DE "PELUCAS"

Poucos días fixéronlle falta ó noso artista "particular", Pelucas, para abrir  na parede do fondo do patio cuberto un burato cara á imaxinación.  Unha impresionante obra de arte na que desfilan  elementos variados e cotiáns cunha composición orixinal. Todos eles danse cita  no mural abrindo a nosa mente a diferentes lecturas. Pequenos e maiores fomos desfilando, tamén, por alí para ir vendo medrar o seu traballo; e, agora que xa rematou, para desfrutar del. Pelucas vai continuar o seu traballo artístico noutros muros, pero este queda connosco para sempre e, mentres estea aí, sempre seremos quen de descubrir novos matices que nos fagan ir máis aló destas paredes. Ademais as nosas mentes educativas xa están argallando mil e unha maneiras de  mergullarnos na esencia desta pintura e desfrutar dela cos nosos sentidos e desenvolvendo o noso pensamento. Ollar, sentir, matinar...tres das chaves dunha aprendizaxe activa que son posibles ao contemplar esta magnífica obra. 
Agora que estamos  casi xa de celebración deste 50 aniversario é bo que lembremos que o noso cole (coma todos) está anclado no mundo, ábrese a él e dende él seremos quen de conquistar os outros novos mundos que nos agardan a unha carreiriña de can.

OBRADOIRO DE GANCHO E RECUNCHO LECTOR

Dentro do noso proxecto Plambe de  "laboratorio creativo de aprendizaxe" vimos desenvolvendo durante este trimestre  un obradoiro de ganchillo nos recreos que tivo un grande éxito. Coa lectura do conto "Ovelliña dame lá"  deu comezo  este obradoiro no que moitos nenos e nenas de diversas aulas foron e van pasando pola biblioteca aprendendo da man da profe Elena e preparándose para ser elas  e eles quen tamén  ensinen aos compañeiros.  Xa son quen de facer moitas cousas e teñen un proxecto secreto que aínda non desvelaremos...co tempo veredes o que se traen entre mans.
Da man deste obradoiro temos montado un novo recuncho lector baixo  o título de "Dándolle ao fío" con lecturas variadas nos que os fíos dun ou doutro xeito son protagonistas.

RECUNCHO LECTOR ADICADO ÁS DÚAS PRIMEIRAS MISIÓNS DAS AULAS

Cartas e localización xeográfica local e sideral protagonizan outros dous recunchos lectores instalados na biblioteca, respondendo ás necesidades derivadas das tarefas que están a desenvolverse neste momento en relación ao noso Proxecto documental integrado.
A carta é un texto moi importante na comunicación que non debemos perder neste tempo de whatsapps e correos electrónicos. Cada comunicación ten o seu sentido e non temos por qué renunciar a ningunha. Tampouco perder a oportunidade de traballar a linguaxe, mellorando a nosa gramatica e vocabulario e xa de paso coñecer todo o mundo que xira en torno a ela...sobres, selos, carteiros, caixas de correo, cartas especiais,...
O recuncho adicado ás cartas quere achegarnos ata esa literatura epistolar que podemos considerar un universo poético particular en moitos casos, e que polo mesmo tamén se adentra no outro camiño polo que está a discurrir á  nosa vida lectora neste curso, a vida das "Poéticas diversas", lema deste ano nas BE. Arte, literatura,...literatura entendida como arte de comunicar cun código propio. Como é lóxico non están todos os que son, só unha pequena mostra, abrindo camiño.