Os nenos e nenas de 6.º de primaria querían ser os primeiros en compartir con todos as súas suxestións. Hai tempo que colleron os seus libros e fixeron as fotos para que non lles pasase o día. Agora xa é hora de contarvos cales son os seus libros preferidos.
Escoitamos os cativos e cativas de 3.º de primaria falándonos dos seus libros favoritos.
Moitas grazas polas vosas suxestións. Tomamos nota!
Comenzan a chegar as primeiras actividades de celebración do Mes do Libro. Xusto a tempo! Mañá, 23 de abril, é o día de referencia para as letras e os libros.
Os nenos e nenas de 4.º fan súa a proposta de contar historias a partir dos títulos dos contos e achégannos as tres primeiras historias.
Animádevos a participar nas actividades que preparamos para as familias. Podedes facer unha ou varias das propostas. Enviade todo ó noso correo <parrococamilo@gmail> ou á vosa aula. Estaremos encantadas de recibilas e compartilas con todos.
NON DEIXES DE MERGULLARTE NAS MIL E UNHA HISTORIAS DOS LIBROS.
PODES FACELO DENDE A NOSA BIBLIOTECA!
_001.jpg)
Estamos a celebrar dende o luns 21 de marzo, Día da Poesía, a tradicional Semana da Poesía. Antes da pandemia, as nosas paredes, escaleiras e calquera recunchiño dentro ou fóra do cole enchíanse de versos e poemas propios ou alleos. Agora son os muros virtuais os que nos serven para compartir poesía. Dende esta semana, e deica a fin do trimestre, as nosas aulas e este muro virtual van encherse de textos poéticos que podemos ler, copiar, ilustrar e mesmo crear.
Podedes coñecer o que estamos facendo nas distintas aulas axexando nesta xaneliña virtual; e se vos apetece, podedes tamén compartir os poemas que vos gustan ou que imaxinedes. Premede no cadradiño con frecha do recuncho superior dereito para ver o muro nunha xanela grande; ou no lápiz inferior, se queredes compartir algo poético.
Os nenos e nenas de 3 e 4 anos e de 4.º de primaria remataron xa o seu traballo sobre as mulleres invisibles, dándolle voltas ao lema Pómoslle un bigote?
As elixidas en 3 anos foron KAREN JOHNSON, JOCELYN BELL, MARIAM MIRZAHJANI e LISE MEITNER. Como podedes imaxinar, son as dúas primeiras, matemáticas relacionadas coa astronomía, as que máis lles gustaron. Os peques sacaron a súa parte artística e deixáronas moi feitiñas.
Despois, entre todos, pegaron a información e colorearon como puideron.
Os de 4 anos tamén elixiron a Karen ou Katherine Johnson. Non podían deixar de coñecer a persoa que axudou a trazar o camiño que tiña que seguir o Apolo XI para chegar ata a Lúa.
En infantil celebramos o Día da Síndrome de Down (que, dende hai anos, a proposta da ONU, coincide nesta xornada de inicio da primavera) uníndonos á iniciativa Calcetíns desemparellados, que pretende darlles visibilidade ás diferenzas. Todos somos diferentes e todos somos iguais: na diversidade está a inclusión. Nas nosas aulas, as diferenzas son o punto de partida dunha integración que se vive día a día en cada intre e lugar. Onte, os nenos e nenas de 3, 4 e 5 anos pintamos e preparamos os nosos calcetíns diferentes, un mundo de individualidades e de emocións.
