DERRADEIRO XOVES DE PAZ

No derradeiro Xoves adicado á lecturas de paz foi o conto A POMBA DONA PAZ o que ocupou á sesión de lectura. Jasmine e Nerea foron as nenas de 6º de Primaria encargadas de lelo.

A MALETA VIAXEIRA CHEGA A INFANTIL

Por fin, tras meses de espera chega a infantil a maleta viaxeira de "títulos matemáticos" que comezara a súa viaxe alá polo mes de novembro promocionada polo noso amigo Reilibro. 
Empezou a última parte da súa viaxe na clase de 4 anos. Os nenos e nenas desta aula levan desfrutando toda a semana pasada da mesma e xa se despiden con moita  pena das lecturas que lles aconsellou o mouchiño. Cando os libros volvan á biblioteca estou segura de que todos quereran levalos en préstamo para as casas.

CELEBRAMOS O DÍA DA PAZ

O traballo que estivemos a facer durante estes días para Copo, o mouchiño de Xaneiro, reflectímolo no noso mural da Paz que luciú durante unhas horas coas luces acesas para simbolizar esa luz de esperanza coa que quixemos agasallar a tódolos nenos e nenas que non teñen medios para unha escola digna e de calidade... a algúns -como nos ensinou Copo- mesmo lle falta a luz!.
Cada aula decorou un brazo co que botábamos a voar os nosos desexos para un mundo mellor, mesmo no eido da escola.

Malala Yousafzai foi o outro eixo de traballo. A nena a quen lle deron o Premio Nobel da Paz por defender cáseque coa súa propia vida o dereito das nenas a recibir unha educación e acudir á escola. Dereito que temos que ter tódolos nenos e nenas do planeta. O segundo mural que enche a nosa entrada acolle algunhas das impresionantes e sinxelas frases que Malala ten pronunciado sobre este dereito.

Despois do traballo xuntámonos todos para compartir durante un tempo cancións e mensaxes de paz. Unha canción en inglés interpretada polos alumnos de 5º e 6º e unha canción en galego cantada polos nenos e nenas  de 1ºA acompañados polos nenos de 4 anos. Despois de ler cada clase a súa mensaxe de paz, intercambiamos  os globos que  un a un foramos enchendo nas aulas cos nosos desexos. Agora só toca agardar a que estoupen para descubrir a "sorpresa" que se agocha no seu interior.

paz1415 - Kizoa Movie Maker

NOVO CONTACONTOS DA PAZ

Laura e Alex de 6º de Primaria foron os lectores do conto "E que podo facer eu?" que nos axuda a reflexionar nestes tempos de paz sobre  o que cadaquen de nós pode aportar. Estas son as fotos da sesión á que se achegaron coma sempre unha morea de nenos e nenas.

OS DEBUXOS QUE FALTABAN

Prometéramos subir  ao volver das vacacións de Nadal os debuxos do traballo de Kandinsky que faltaban. Como non hai tanto ainda que volvemos hoxe cumplimos a nosa promesa. Deixámosvos aquí  unha foto do mural-agasallo mais pequeno dos dous que se fixeron cos debuxos que non cabían no grande.

TEMPO DE COMPARTIR

Este é o título dunha nova lectura nos Xoves de biblioteca, que como xa vos contamos esta tempada son XOVES DE PAZ. 
A paz baséase neste xesto tan sinxelo; se somos quen de compartir non haberá sitio para os conflictos. 

Nas fotos podemos ver aos nenos agardando que comece a lectura e algúns momentos dela.

O NOSO AMIGO COPO

Unha vez mais recibimos unha carta dos nosos amigos os mouchos da biblioteca . Como sabedes este  curso os mouchiños comparten con nós as súas "lumiideas" e daquela Copo o mouchiño do mes de Xaneiro invítanos desta volta a axudarlle na celebración do día da Paz e de paso a reflexionar sobre algunhas cousiñas que teñen que ver coa luz, o noso tema estrela deste ano.
Esta foi a carta que nos mandou.

Así que agora só queda poñerse unha vez mais "mans a obra" e a pensar...

OS XOVES DE PAZ

Próxima xa a semana da PAZ moitas actividades do cole comezan a xirar arredor desta sinxela palabra. Na biblioteca temos xa o noso expositor especial con lecturas de paz e iniciamos tamén unhas sesións especiais nos Xoves de Lecturas.

O xoves 16 de Xaneiro léronnos na biblio UN HOMBRECILLO DE PAPEL, conto que nos axuda a reflexionar sobre as posibilidades de conquerir entre todos un mundo mellor.

NO SOMOS LOS TRES CERDITOS,UNHA NOVA LECTURA DOS XOVES

Volvemos das vacacións de nadal e nada mellor que este conto para recuperar as rutinas lectoras dos xoves. O público coma sempre achegouse a escoitar as novedades deste novo ano.