O RESULTADO DO NOSO MURAL DE PRESENTACIÓN

Cada cartafol viaxeiro que chegaba ás aulas incluía un traballo plástico que nos serviu para ir enchendo o mural de benvida ao proxecto que colocamos coma sempre ao pé das escaleiras grandes.

O remate do curso o mural quedou completo se non fose que nos quedou atrás o dinoseto!! Trabucámonos de lugar e o traballiño feito polos nenos e nenas de primeiro puxémolo no  mural de nadal canda os seus amigos dinosauros. Pasado o tempo xa non lle apeteceu deixar sós os seus amigos!

LEMBRANDO: OS OLLOS DO SEGUNDO TRIMESTRE

No segundo trimestre quedounos por vos ensinar o traballo dos murais- edificios que xirou en torno ao barquiño, ao polbo-Verne e a escultura da Fada e o Dragón. Aquí  deixámosvos as fotos do traballo nas aulas que tamén están no blogue especial do PDI que enseguidiña aparecera enlazado na columna esquerda deste blog.

OS OLLOS DO BARQUIÑO

osollosdobraquiñoaulas

OS OLLOS DO POLBO

osollosdopolboaulas

OS OLLOS DA FADA E O DRAGÓN

osollosdafadaaulas

LEMBRANDO O SEGUNDO TRIMESTRE: OS BOLECHAS E AS MASCOTAS

Durante todo o curso os nenos e nenas de 4º A puxeron a súa ollada nun refuxio de Vigo adicado ao rescate de mascotas, dándonos a coñecer a chea de animaliños abandonados e susceptibles de adopción e animándonosao coidado responsable das nosas mascotas.
Dentro das actividades literarias que acompañaron este proxecto, estivo a lectura conxunta que lle fixeron os nenos de  5 anos no mes dos libros, aproveitando que viñan amosarnos as súas recomendacións lectoras para o proxecto "En abril libros mil. Préstamo entre familias". A quela mañá agasalláronnos con esta interesante lectura "Sultan non ten microchip" dos nosos amigos Os bolechas.

Agora que xa non estamos no cole podemos desfrutar tamén da mesma  de xeito on line. Deixamos aquí a conto e os recursos que Pepe Carreiro autor dos libros preparou na súa páxina web.

LEMBRANDO O SEGUNDO TRIMESTRE. VIGO MISTERIOSO: O MAR

Toca agora, que xa fomos facendo  mais ou menos o relato das derradeiras pinceladas do noso proxecto, botar a ollada un pouquiño máis atrás no tempo e darvos conta dalgunhas cousiñas que encheron de contido o segundo trimestre. Imos aló...

Durante o segundo trimestre ao tempo que navegabamos no mar de Vigo o de Martín Códax e máis o de Xulio Verne, as nosas familias navegaron polas rúas da cidade á procura dos murais de tema mariño. Esto foi o que nos mandaron.

muraismariños2018

LEMBRANDO 7 SEMANAS EN VIGO...NA RECONQUISTA

No mes de marzo os mouchiños tamén mandaron ás familias a coñecer a nosa Reconquista. O 28 de marzo  choveu abondo e a piques estivemos de quedar sen a festa. Solucionados os problemas enseguidiña empezaron a chegar traballiños que daban fe das idas e vidas pola cidade.

LEMBRANDO VIGO MISTERIOSO: A POESÍA

Como misión familiar de apoio á celebración do Día da Poesía no 22 de Marzo, os mouchiños mandaron ás familias á procura dos murais urbanos adicados a ela. Son moitos os pintores e pintoras que canda os seus murais teñen gravado frases especiais que invitan á reflexión. Os nosos investigadores atoparon moitas delas.

VIGO MISTERIOSO: AS FAMILIAS E A NATUREZA

A derradeira pista do proxecto "Vigo misterioso" falábanos dos elementos naturais. Iso era o que compría procurar nos murais  que adornan a cidade. Xa rematando o curso foron menos as familias que participaron. Chegando este tempo, as cousas se complican nas familias e semella que non damos feito; aínda así unhas cantas incondicionais non quixeron faltar á última cita. Faltan dous murais por fotografiar, pero enseguidiña os incluimos.

7 SEMANAS VIAXA POR ÚLTIMA VEZ ...AOS MAIOS

Tamén rematou o outro proxecto dirixido ás familias, "7 semanas... " coa viaxes ós Maios. Esta é unha tradición que se está a recuperar e os horarios das actividades non favorecían a participación na actividade. Aínda así, e como sucedera en "Vigo Misterioso" unhas pouquiñas achegáronse a ver que se cociñaba alí.

OS REDEIROS E OS CABALOS PECHAN O PDI NAS AULAS

Os dous derradeiros cartofoles do proxecto chegaron ás aulas no mes de maio coa encarga de telos rematadiños a principios do mes de xuño; xa o tempo metía présa. E así foi, tódalas aulas chegaron puntuais á cita. E no noso mural da entrada xa locen tamén os traballos plásticos correspondentes. Desta vez tocoulle facer os redeiros os nenos de 3º e os cabalos os pequenos de 3 anos.

OS OLLOS DOS REDEIROS

O antigo edificio da Peineta serviu de base o noso traballo. A creación literaria tocoulle aos de 6º.

OS OLLOS DOS CABALOS

A  muralla do monte do castro da acubillo os traballiñosdos cabalos. A creación literaria tocoulle os nenos e nenas de 4º A que fixeron un concurso e elixiron o relato que lles gustaba para o mural. Os outros relatos estiveron expostos na corcheira do corredor.