Foron varias as aulas que, ao longo do curso, traballaron emocións no seu proxecto competencial. Despois de rematado o traballo os nenos e nenas de 3º quixeron amosarlles os compañeiros o que fixeran. Baixaron á clase de 5 anos para que visen como se traballa en primaria, agora que xa queda moi pouco tempo para que os cativos cambien de etapa. Un por un foron relatándonos as emocións nas que traballaron e o portfolio no que incluiron as súas experiencias, os seus debuxos, a música que representaba a emoción, á que puidemos acceer cun código QR, e unha obra de arte. Os pequenos tiveron que adiviñar á emoción que facían coa mímica e puideron falar tamén de como se sentían. Varias áreas e artes diferentes para aprender a coñecer e xestionar as nosas emocións.
Ningún comentario:
Publicar un comentario