Hoxe é o Día, aínda que xa hai moito tempo que as institucións e os coles andamos na tarefa de coñecer o escritor ao que se lle adica o Día neste curso.
E vós? Sabedes quen é Florencio Delgado? Foi un poeta que naceu en Córgomo, nas terras de Valdeorras. Na súa obra cantou as louvanzas de Galicia e defendeu a nosa lingua e cultura.
Achegádevos hoxe a el a través da música. Son moitos os músicos e cantantes que lles poñen voz e son ás composicións de don Florencio. Os de infantil bailamos arredor do maio o poema que fixo para este primaveral mes.
Podedes coñecer a súa vida e ler moitos poemas na nosa aula virtual e no blog Fonte dos frades. Velaquí (Salve!) vos deixamos unha das poesías que mellor acae no día de hoxe.
Ningún comentario:
Publicar un comentario