As fotos e as cariñas xa falan dos intres de emoción que pasamos o xoves no cole para despedirmos o trimestre e recibi-lo Nadal. Daquela só queda que gocedes co vídeo que montamos e agradecer a tódalas familias esta e tódalas cousas nas que participades e colaborades.
Bo Nadal e feliz Aninovo!
Xa está rematada a nosa árbore mentres seguen a encherse os recunchos reservados aos homiños e ós traballiños de reciclaxe que veñen das aulas.
Imos amosarvos como quedou esta árbore de reciclaxe. Cada aula fixo a súa persoal paisaxe de Nadal empregando tamén elementos reciclados ou reutilizados. Toda a decoración que a acompaña está coma sempre feita polos nenos e nenas.
Todos estamos participando tamén na exposición aberta con moitas das cousiñas feitas nas aulas e os homiños que envían as familias. Cada día podemos ver cousiñas novas, ademais dos traballiños que adornan as aulas.
Deixámosvos a foto da árbore e esta dos primeiros días da exposición, aínda que agora xa está moito máis cheiña de cousas!.
Noa e Xián metéronse na cociña e fixeron unha riquísimas galletas de Nadal. Ademais das fotos enviaronnos unha estupenda explicación de todo o proceso. Coido que seguindo as súas indicacións seremos quen de facelas tan ricas como semellan estar as súas.
Xa estamos metidos na cociña para atender a petición de cociña creativa de Nadal! A primeira receita chega dende Aldara de 1º de primaria, riquísimas galletas de follado con chocolate.
Ingredientes:
Lámina de follado
Chocolate
Moldes
Ovo para pintar(opcional)
Xa chegou o mes de decembro e o Nadal está no aire e nas luces da nosa cidade. No cole temos cáseque todo preparado. A actividade nas aulas é frenética. Nas familias tamén comezan os preparativos. Sara de 3 anos é a primeira en enviarnos o seu homiño.
E os nosos corredores xa se están a preparar para dar acubillo á exposición de Nadal e a nosa árbore colaborativa...e seica nos agarda tamén algunha sorpresiña máis.
Neste nadal podemos cociñar en familia! Esta proposta está aberta dende agora ata o final das vacacións. Daquela non fai falta apurarse. Os días de Nadal son un bo intre para xuntarnos na cociña e iniciar ós vosos nenos e nenas nas sobremesas de nadal.
Tamén podedes enviar a proba á merendola de Nadal da vosa aula. Consultade coa vosa profe!.
Malena ballena foi a proposta lectora que Lucía e Alexandra de 6º contaron na biblio o pasado xoves, ás portas da celebración do Día da discapacidade. Este conto fala da superación e da autoestima, dos sentementos dos que sofren mocas ou mofas polo seu aspecto ou capacidade. A historia de Malena é a historia dos que se senten distintos e ós que temos que incluir, valorar e respectar...porque todos somos diferentes e ao mesmo tempo iguais.
.jpeg)
.jpeg)
.jpeg)
Educar na igualdade é a mellor aportación que podemos facer dende as nosas aulas. A proposta deste curso ía da man dos clásicos; no noso caso, o conto de Brancaneves.
Brancaneves e os 77 ananiños dálle a historia unha especial reviravolta facendo subir cara a superficie eses estereotipos que moitas veces aínda non temos abandonado. Sobre todos eles íamos falar nas aulas, ademais de ler este e outros contos sobre o tema, escollidos no noso expositor do "25 de novembro".
.jpeg)
.jpeg)
.jpeg)
.jpeg)
Na aula de 5 leron Brancaneves e os 77 ananiños.
Os nenos de 2º leron Arturo e Clementina. Leron, viron un vídeo, falaron sobre el e pensaron diferentes finais para o conto. Aproveitaron para falar sobre as cores azul e rosa e a súa imposición dende bebés, dos xoguetes que se anuncian para nenos ou nenas,... foi unha actividade que deu moito de sí.
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.
