8 DE MARZO. DIA DA MULLER TRABALLADORA

Durante esta semana que ven de rematar os maiores de primaria veñen de traballar nun mural no que quixeron destacar o traballo de 12 mulleres diferentes e de diferentes épocas; todas elas galegas e todas elas, como tantas outras anónimas, rompendo moldes e abrindo un camiño no que ainda nos queda moito por percorrer. Facelas visibles e invitar aos nenos e nenas que agora estamos educando a pensar no que cada unha delas ten achegado, axudaranos  a continuar o seu "traballo". 

XOVES CON ROSALÍA

Para rematar a semana na biblioteca continuamos a achegarnos á figura de Rosalía de Castro. Desta volta foi o libro "Rosalía", co apoio dos moitos materiais dixitais que se publicaron para a celebración, o que nos axudou a facer un percorrido pola vida e obra da primeira escritora e muller á quen se lle adicou o Día das Letras Galegas. Na proximidade do día da Muller traballadora éstes son datos que non convén esquecer...a nosa Rosalía foi ademais de defensora da nosa lingua, unha muller adiantada ó seu tempo. Velahí as fotos da sesión.

ROSALÍA CANTADA POLOS NENOS DE 1ºA

O Día de Rosalía, martes 24 de febreiro, os nenos e nenas de 1ºA quixeron facer a súa particular homenaxe á Rosalía de Castro. Daquela presentáronse na biblioteca  e recitaron un dos poemas da autora, un que ten moito que ver coa parte do noso proxecto documental na que estan a traballar... "Alborada". 

Mágoa que non poidesemos gravar o sonido porque deu gusto escoitalos acompañados do son da pandeireta da profe Bea Ramilo.

O mércores  os de infantil tamén quixeron escoitar aos compañeiros e cun público entregado os nenos e nenas de 1ºA repetiron o seu recitado e volveron facelo moi ben. Démoslles un grande aplauso.

DESPOIS DO ENTROIDO NOVO CONTACONTOS NA BIBLIOTECA

CUERO NEGRO, VACA BLANCA é o título do conto que a volta das vacación de entroido tiñan preparado para nós Sheila e Lara de 5º e Primaria. Aquí temos as fotos 

JOHNBOOK E ROSALÍA

O mouchiño de Febreiro, Johnbook, quixo agardar ata final de mes para comunicar a súa lumiidea do mes. E fíxoo para sumarse á celebración do Dia de Rosalía nas Bibliotecas escolares agasallando ós nenos e nenas cun pequeno libriño no que recompilou algúns dos poemas nos que Rosalía fala da luz. A luz como alegría -nas alboradas e nas noites de luar- e tamén como pena, na oscuridade das sombras que tanto pasean polos seus versos.
O libro chegará ás bibliotecas de aula mañá 24 de febreiro. Antes diso Johnbook comentounos o seu desexo de que nos esforcemos en recomendar aos compañeiros os libros que mais nos gustan. A ver se moitos lle fan caso e enchen o mural que temos preparado.

 

24 DE FEBREIRO. DÍA DE ROSALÍA DE CASTRO

Nas vésperas do Día de Rosalía de Castro- ainda non institucionalizado, moitas Bibliotecas Escolares celebran actos e traballan arredor desta muller e poeta galega. Nós a proposta en en coordinación co noso equipo de dinamización lingüística sumámonos a esta celebración estreando unha nova pestaña  na parte superior do blogue con material específico para traballar arredor desta nosa poetisa. Pouco a pouco contarémosvos o que vaiamos facendo a partir do martes 24 con actividades dentro e fora da biblioteca que pretendemos alongar ata a celebración no mes de Marzo do Día da Poesía. Coido que para entón o noso lumimoucho do mes xa ten unha nova e poética proposta preparada.

ENTROIDO 2015. FESTA RACHADA E CREACIÓN LITERARIA

Dende a biblioteca e no marco do Plambe estamos na teima de abondar na creación literaria dos nosos nenos e nenas, promovendo a construcción de diferentes tipos de textos ao longo do curso. No entroido continuamos a traballar neste obxectivo coa confección das "Coplas" e "O Testamento" do noso meco Lucerín. 
Este traballo creativo xa é unha tradición no cole, moi anterior ao desenvolvemento do Plambe e  nona queremos perder. Unha vez mais vai vencellado a un proxecto global -"As viaxes da Luz"-  que axuda a dar significado a todo o que traballamos. 
Deixámosvos aquí todo o que foi o noso Entroido... a troula, a festa rachada -como ten que ser- e traballo educativo arredor da luz, reflectido tanto na creación literaria feita polos alumnos de 5º e 6º de Primaria como o traballo documental que se agocha detrás de cada disfrace.
 Un ano mais conseguímolo...educámonos e disfrutamos e vos puidestes vernos...bueno, cáseque polos pelos! Como non se escoitaba nada polas malas condicións acústicas do patio (no que nos tivemos que resgardar do mal tempo) deixámosvos  aqui o texto de toda a presentación do entroido. 

FOTOS  DA TROULA (XOGOS DE LUZ)

TROULA2015 - Kizoa Movie Maker

PRESENTACIÓN DO ENTROIDO 2015

FOTOS DO ENTROIDO

ENTROIDO2015-1 - Kizoa Movie Maker

OS SETE CABRITOS

Un xoves mais na hora do recreo xuntámonos -algúns coas trangalladas da troula ainda vestidas- para desfrutar dunha nova sesión de contos.
Os sete cabritos foi o conto elixido. Contárono Dunia e Lucía de 5º de Primaria. Estas son as fotos da sesión.

LUCERÍN MANDA NO NOSO ENTROIDO.

Iniciouse un ano mais a Semana da Troula coa "entronización" do noso meco. Como este curso traballamos arredor da luz a cousa estaba cantada. Lucerín é a mascota elixida. E... quen é Lucerín? Un fermoso bebé- bombilla de baixo consumo que simboliza que a loita por conseguir un mundo mais sostible -tamén no eido da luz e a electricidade- ainda está en cueiros e que todos temos o deber de coidar esas pequenas iniciativas que vaian axudando a mellorar a calidade de vida no planeta. 
O primeiro que fixo Lucerín foi deixar claros os mandados para esta semana e abofé que todos os nenos e nenas do cole cumpriron ben os seus desexos...en canto estean preparadas tódalas fotos verédelo.