Na biblioteca escolar continuamos aprendendo a movernos de maneira autónoma entre libros, información e recursos grazas ás sesións de formación de usuarios.
Nesta ocasión, o alumnado achegouse ao funcionamento do novo programa Koha, descubrindo como se realiza o préstamo e a devolución.
Ademais, tamén traballamos a CDU (Clasificación Decimal Universal), aprendendo o significado das diferentes categorías e como os libros se clasifican segundo a súa temática. A través de exemplos prácticos e pequenas actividades de busca, os nenos e nenas foron descubrindo como orientarse polos andeis da biblioteca e interpretar os códigos dos libros.
Estas sesións permitiron ao alumnado adquirir maior autonomía no uso da biblioteca escolar, fomentando a procura de información, a organización e o gusto pola lectura e pola investigación.
Ningún comentario:
Publicar un comentario