ITINERARIOS LECTORES DE PRIMARIA

Neste cole xa sabemos que hai moitas maneiras de vivir unha lectura: ler sós, ler coa familia, ir a un club de lectura... pero tamén é especial compartir un libro coa nosa aula e recibir ao autor ou autora para ir máis aló e descubrir os segredos que poida haber tras esa obra... 

Chega o nadal, época de agasallos, un tempo perfecto para pedir os nosos libros!

1º e 2º de primaria leerán... CURRIÑO. BENVIDO AO EQUIPO de Ledicia Costas

3º e 4º de primaria atreveránse coa...ESCOLA DE BRUXAS de María Canosa

e 5º e 6º xa están somerxidos nos poemas de... UNHA NOVA DIMENSIÓN de Anxo Iglesias

OBRADOIROS DE ADORNOS DE NADAL ECOSOSTIBLES

Dentro do programa de Biblioteca Creativa, a biblioteca organizou uns obradoiros artísticos para crear adornos de nadal con material reciclado. 

Está claro que cun pouco de imaxinación podemos darlle unha nova vida a productos de refugallo que temos na casa como tapas de botes, follas de xornais...

Aquí van algúns exemplos!    

3 DE DECEMBRO - DÍA INTERNACIONAL DAS PERSOAS CON DISCAPACIDADE

O 3 de decembro é o día internacional das persoas con discapacidade, declarado en 1992 pola Asamblea Xeral de Nacións Unidas.

É importante promover os dereitos e o benestar das persoas con discapacidade, así como como concienciar sobre a súa situación para desenvolver valores como a empatía e o respecto.

Dende a biblio preparamos un expositor con libros que teñen como protagonistas persoas con discapacidade ou outros que nos lembran que hai riqueza nas diferenzas e na diversidade.

Tamén reflexionamos sobre as etiquetas que acompañan ás persoas con discapacidade e rompemos con elas para avanzar cara unha sociedade equitativa.

         

ILUSTRAMOS O CARTEL DO CROS ESCOLAR!

 

Que importante é facer partícipe ao alumnado da vida do centro! 

ANPA e escola traballamos conxuntamente para deseñar o cartel do Cros Escolar Párroco Don Camilo coas aportacións do noso alumnado!

Aquí van algúns exemplos!