RECEITA PARA UNHA BOA LECTURA

 

AVELINO GONZÁLEZ NA FIN DE CURSO

 Como remate do curso tivemos a sorte de recibir a Avelino González quen veu debulla-las súas historias para os cursos de 4º, 5º e 6º. Pasaron uns intres moi divertidos mentres falaban das fogueiras de San Xoan e facían xogos.

FUNÁMBULUS NA GRADUACIÓN

 Os nenos e nenas de 6º de primaria e 5 anos elixiron para a súa graduación o conto Funámbulus. Cambiamos de etapa e seguimos adiante procurando o equilibrio.

Hoxe fixéronnos un pase especial representando este precioso conto, cheo de mensaxes positivas. Despois cantáronnos a canción que compuxeron para a súa graduación.

BOLETÍN DE LECTURAS PARA O VERÁN

 

XORNAL ESCOLAR DON MOUCHO

 Aquí o tedes recén saído do prelo

NOVO CONTACONTOS DAS NENAS DE 2º

 Cando pensabamos que as estupendas sesións de contacontos remataran, hoxe atópamonos por sorpresa cunha nova invitación dos nenos e nenas de 2º. na hora de ler xuntámonos todos os compañeiros de infantil, 1º e 2º e gozamos coa representación e lectura do conto Un rico pastel de Christian Voltz.

ENQUISA PARA OS ALUMNOS DE 4º, 5º E 6º

 

DE NOVO UNHA FAMILIA EN 3 ANOS

 Desta volta, os pais de Sara achegáronse ata a aula para facer gozar os cativos cun conto moi especial A que sabe a lúa. Mágoa que moitos compañeiros estivesen "maliños" e non puidesen escoitar este precioso conto.

SEGUNDO A TODA MÁQUINA

 Os nenos e nenas de 2º de primaria colléronlle gusto a animar a hora de ler e, unha semana máis, petaron nas nosas portas e entraron cunha nova lectura. Infantil, 1º e 2º escoitamos encantadísimos o conto A señora Spider que Héctor, Álvaro e Martín nos contaron. Que ben! Xa estamos agardando pola seguinte!