GUIA PRACTICA DA ENERXÍA EN GALEGO

Traémosvos ata aqui unha guía editada en galego polo INEGA instituto galego da enerxía  que inclúe un pequeno apartado sobre usos na escola e outra interesante información sobre o aforro enerxético
http://www.inega.es/descargas/publicacions/Guia_Practica_Aforro_Enerxia_2012.pdf

LIM SOBRE ENERXÍA EN GALEGO

Deixámosvos aquí un lim sobre enerxía para 6º de Primaria procedente do repositorio abalar
Olládeo xa que ten ideas exportables para outros ciclos

LIM  enerxía

30 DE NOVEMBRO.DIA DAS LIBRERIAS

A Consellería de Cultura, Educación e Ordenación Universitaria está a distribuir ás librerías, con motivo da celebración do Día das Librerías,  o Calendario do Libro e da Lectura 2013, unha lámina coas datas conmemorativas do ano que vén arredor dos libros. Esta celebración é anual e coincide co ultimo día dos mes de novembro.
Con esta iniciativa, a Xunta de Galicia quere contribuír- segundo aclara na sua web- á difusión das principais efemérides relacionadas coa lectura e animar, ao mesmo tempo, á planificación de actuacións que promovan o interese polos libros e as nosas letras.

Nos deixamos aquí este calendario que nos pode servir de guía no noso traballo escolar, ademais dun listado cos futuros acontecementos destacados.

XANEIRO:   Centenario de Francisco Fernández del Riego, un dos principais promotores da escrita e edición de textos de autores galegos durante o franquismo desde a editorial Galaxia. 
FEBREIRO:  150 anos do nacemento de Manuel Lugrís Freire D, presidente da Real Academia Galega, .
MARZO:       Día Internacional da Poesía e o Día Mundial do Teatro
ABRIL           Día do libro e do libro infantil e xuvenil
MAIO            Día das Letras Galegas, data coincidente coa publicación de Cantares Gallegos, de Rosalía de castro, da que en 2013 se cumprirán 150 anos.O día está adicado ao dramaturgo Roberto Vidal Bolaño.
XULLO  50.º aniversario do pasamento do escritor Gonzalo López Abente.
No segundo semestre  Día Internacional dos Arquivos, 
                                   Día Internacional da Tradución, 
                                   Día da Biblioteca ou o propio 
                                   Día das Librerías,
DECEMBRO.  Día da Edición coincidindo co aniversario do nacemento do editor Ánxel Casal.

ENLACES PARA TRABALLAR A IGUALDADE DE XÉNERO

Deixamos aqui mais recursos literarios e didácticos para traballar a non discriminación nas nosas aulas

GUIA DE LECTURAS NON DISCRIMINATORIAS

RECURSOS PARA A IGUALDADE Escolma feita polos profes do cole Mestres Goldar

ENLACES PARA TRABALLAR OS DEREITOS DO NENO

Das nosas compañeiras e compañeiros do cole Mestres Goldar tomamos este recopilatorio de recursos para traballar estes días todo o relacionado cos dereitos da infancia e a igualdade. Graciñas polo voso traballo, esperamos pronto poder nós aportar recursos e enlaces para compartir con todos.

Recursos para os dereitos da infancia

LECTURAS PARA A IGUALDADE

Imos de conmemoración en conmemoración e daquela dímosvos que o 25 de Novembro e o día Internacional para a eliminación da violencia de xénero.
Nos xa nos estamos a poñe-las pilas e estamos a participar varios niveis do cole nuns obradoiros de igualdade dos que xa vos iremos dando conta.
De momento deixamosvos somentes unhas lecturas apropiadas para ir traballando o tema.

De novo a edtorial OQO achéganos estes contos para traballar xa desde idades ben temperás.
 OQO é consciente de que un dos xeitos de erradicar esta lacra
é insistir nunha educación baseada na igualdade e no respecto ao outro,
desde idades moi temperás, coma o fan estes contos:

Colección O (3 a 7 anos)

 






Colección Q (8 a 12 anos)





Tamén un grupo de mestres de pontevedra coa colaboura dun inspector territorial de educación está recopilando materiais e recursos neste novo blog
www.educandoenigualdade.wordpress.com

LECTURAS PARA A ESPERTAR CONCIENCIAS

O 20 de novembro celebrouse o 23 aniversario da convención dos dereitos da infancia. Por mor disto a editorial OCO achéganos catro lecturas imprescindibles para espertar conciencias sobre a situación dos nenos nalgunhas partes do mundo. Invitámosvos a botarlles unha ollada.
 

+de 12 anos

 

 

EDUCACION DOCUMENTAL: XOGOS POPULARES GALEGOS

Ven de pasar o día de San Martiño, día tradicional dos Magostos. Nós fomos puntuais á cita e celebrámolo no cole o venres, antes de que a chuvia nos mollara as castañas, E fixémolo disfrutando  todos xuntos cunha rolda de xogos populares.  Antes de que pase mais tempo invitámosvos a pescudar nos xogos populares galegos que tamén a consellería quere promocionar co seu convenio coa asociación brinquedia.
Na súa web atopamos  unhas interesantes actividades para recupera-los trompos.


http://brinquedia.net/web/wp-content/uploads/2012/10/actividades-peon-2012.pdf

Navegade no pdf ata atopar como facer trompos ou peóns sinxeliños cun lápiz e plastilina. Sería unha maneira de atrevernos cunha actividade que está vencellada coa ciencia.

No outro pdf  que ven de seguido atopamos ligazons de educación documental.

http://brinquedia.net/web/wp-content/uploads/2012/10/ligazons-de-interese.pdf

Tamén temos atopado no repositorio abalar unha interesante webquest para aprender todo arredor do SanMartiño. Animádevos.

http://www.edu.xunta.es/espazoAbalar/sites/espazoAbalar/files/datos/1335261992/contido/webquest/index.htm

Como non é tarde ainda para profundar na historia do magosto non deixedes de consultar os recursos que vos deixamos na páxina de educación documental

PEIXIÑOS LECTORES: LECTURAS PARA O MAGOSTO

Como nós aínda estamos empezando e mentres non colocamos mais libros relacionados co magosto no noso expositor, tomamos prestada esta escolma da biblioteca Atlas dos Soños do Ceip 6 de Nadal. ¡Graciñas pola vosa aportación!.
 Ollade tamén os recursos que enlazamos para estes tempos de outono, samaín e magosto na pestaña de educación documental.

COLLEITA DE LECTURAS 

MES DA CIENCIA EN GALEGO

Segundo lemos no blogue de política lingüística no ano 2001, a UNESCO decidiu declarar o 10 de Santos como Día Mundial da Ciencia para a Paz e o Desenvolvemento coa finalidade de promover a utilización responsable da ciencia en beneficio das sociedades e, nomeadamente, na erradicación da pobreza e a prol da seguridade humana. Tamén persegue unha maior conciencia social da importancia da ciencia e reducir a fenda existente entre a ciencia e a sociedade.
Logo diso e dende hai tres anos en Galicia tamén adoita ser novembro un mes adicado a vivi-la ciencia en galego.
Deixamos aquí estes recursos que nos propoñen dende á xunta e enlaces a coles de primaria que xa están a celebrar cientificamente este mes. Nós celebraremos mais cara a mediado de curso unha semana da ciencia na biblioteca propondo lecturas e recursos interesantes para a nosa formación documental, pero mentres tanto imos abrindo boca...

OUTONO DE CIENCIA

BIBLIOCERVO

A CIENCIA EN GALEGO EN EDU INFANTIL

CEIP FRIAN TEIS

NO SAMAIN TAMEN LEMOS

Xa vistes o noso expositor da biblioteca que é só unha pequena mostra do que podemos atopar nela. Deixamos tamén recursos para traballar nas aulas prestados de outros coles compañeiros. Grazas polo voso traballo recopilatorio.
https://sites.google.com/site/samainrecursos/

24 OCTUBRO: DIA DAS BIBLIOTECAS ESCOLARES

Celebramos o día das bibliotecas escolares pondo en marcha a primeira exposición da biblioteca coa nosa colleita de lecturas para o Samaín.

 

Por se non chega temos recollido pola rede outras escolmas feitas con propostas interesantes.

E ademais...
El extraño caso de la noche de Hallowen (Gerónimo Stilton)
- El fantasma nocturno
- La momia misteriosa
- Fastasmas no corredor
- Os Bolechas teñen medo
- Mamasiña, que medo!
- Babayaga
- Un brujo de segunda
- Indo para o Samaín

PEIXIÑOS LECTORES: A LECTURA ENTRA POLO OLLO

PEIXIÑOS LECTORES vai ser unha entrada continua no noso blog no que pouco a pouco iremos presentando  cousiñas curiosas que atopamos pola rede; desas que nos animan a desfrutar da lectura.

Ollade estas fermosas ilustracións que só ao velas, invítannos a ir na procura da historia completa.

Open publication - Free publishing

CARTEL PARA BIBLIOTECAS ESCOLARES

Con este lema, Biblioteca escolar, acelerador de innovación, preséntase o cartel que neste curso 2012/2013 edita a Consellería de Cultura, Educación e Ordenación Universitaria, co gallo da celebración do mes da biblioteca escolar (outubro) e do Día da Biblioteca (24 de outubro).
Nesta ocasión, a ilustración correspondeu ao creador galego Andrés Meixide,  que vén sumarse así aos ilustradores que teñen colaborado coa consellería no obxectivo de difundir as posibilidades da biblioteca escolar (Manuel Mariño/2008, Miguelanxo Prado/2009, Marina Seoane/2010, Emma Ríos/2011)
Nós imos facer desta imaxe un sinal de identidade do blog para o presente curso.

COMEZAMOS

Inauguramos un novo blog no cole cun sinxelo anceio...que sirva de ponte e mais de azo para o desfrute de todos eses mundos reais e irreais que nos agardan nas páxinas dos libros.
Daquela,  BOA LECTURA!
E o noso desexo para toda a nosa comunidade educativa e educadora.