Estamos a facer moitas propostas xa cos pequenos relacionadas cos proxectos en marcha e quixemos deixar pasar unha semaniña nos outros niveis para non agobiar. Todos tiñamos que adaptarnos a este xeito distinto de desenvolver os contidos e as propostas.
Imos aproveitar a celebración mañá 21 de Marzo do Día da Poesía para lanzar as nosas propostas para nenos e familias.
A estas alturas xa tódalas aulas teriamos preparados os nosos poemas para pendurar nos corredores do cole. As vosas titoras ían empezar con este traballo cando nos chegou a nova do peche temporal. Daquela imos trasladarvos ás casas as nosas iniciativas, por se vos animades a participar.
Como? Procurade un poema enteiro ou uns versos do mesmo. Tamén podedes inventar un poema vós sobre o tema que queirades. Lembrade que o planeta, os plásticos, os océanos, a viaxe dando a volta ao mundo ocupaban algunhas das nosas tarefas.
Cando o teñades...:
1/Ensaiade a lectura do poema (ou memorizádeo) e recitádeo. Gravádeo en audio ou vídeo recitándoo (os nenos sós ou en familia) Podedes acompañar o recitado disfrazándoos, poñéndolle efectos especiais, música,... Enviádenolo o enderezo que deixamos máis abaixo.
2/Se non vos atrevedes a recitar, podedes copiar o poema e decoralo. Tamén podedes penduralo nalgún lugar da
casa, como iamos facer no cole, e mandarnos, con calquera das dúas opcións, a foto.
O enderezo...parrococamilo@gmail.com
Nestes vencellos poderedes atopar algúns poemas.
- https://poemitas.org/poemas/
- http://www.doslourdes.net/poes%C3%ADas_para_ni%C3%B1os.htm
- POETAS E POEMAS ESPAÑOIS
https://fontedosfrades.blogspot.com/p/rosalia-de-castro.html
Deixamos tamén dous poemas de Ana María Fernández preparados polo Ceip Mestres Goldar
Ningún comentario:
Publicar un comentario