COMEZA A RULAR ESTE NOVO CURSO UNHA NOVA MALETA DO MOUCHO...NOVA DE VERDADE!!

Recén chegada...porque a maleta vella estaba moi viaxada e non daba para mais. Un ano mais os mouchiños encheron a maleta con títulos que fan referencia ao lema deste curso para as bibliotecas escolares e enviarona ás aulas para que os cativos e cativas desfruten coa teima "exploradora". Os afortunados que a estrearon foron os nenos de 5 anos...e abofé que non deixaron libro sen mirar. En canto eles acaben de velo todo, a maleta seguirá a súa viaxe cara as aulas dos maiores.

SAN MARTIÑO, UN DÍA PARA CELEBRAR

San Martiño é a data tradicional do Magosto nas terras galegas. O noso xoves de lectura cadraba entre ás dúas, entre o 11 de novembro e a celebración do Magosto o venres no cole. Daquela a escolla do libro estaba cantada...A CASA DO RATO RENATO que conta as penas dun porquiño que quere escapar ao seu destino. Dous alumnos de primaria foron os encargados de facernos chegar esta historia, e contaron ademais cun público excepcional...os de sempre e os nenos de 5 anos.

ITINERARIOS SOBRE GALICIA

O noso PDI deste curso marca tamén o rumbo que levan as lecturas na Biblioteca. Entre outras temáticas, varios "xoves" de cada trimestre estarán adicados o mundo galego, tanto a súa natureza (paisaxes, fauna, flora,...) como a súa cultura. Este é o fío  co que comezou o mes de novembro e a primeira lectura escollida, relacionada tamén co traballo sobre os faros das Rías Baixas,  foi O LIBRO DAS ILLAS CÍES. Dúas nenas de 5º de Primaria foron as lectoras da  primeira semana.

REILIBRO PIDE AXUDA

Avanzamos no mes de novembro e xa temos novas de REILIBRO, o mouchiño que vixía a biblioteca no mes de novembro. O caso é que xa non está na biblioteca porque os fortes ventos das outras semanas (dos que con este soliño non acordamos) deron coas súas ás nunha...BATEA!!.
Ollade a mensaxe que nos chegou ás aulas.

E a que faros refírese?. .Enseguidiña saimos  na súa procura e abofé que atopamos moitos e moi diferentes. A cada aula tocoulle investigar un distinto.

Agora temos que poñernos á tarefa para axudar ao mouchiño...claro que se estades aburridos podedes vos tamén mirar se sodes quen de localizalos!!!.

MAIS FOTOS DAS BIBLIOTECAS DE AULA

Pouquiño a pouco imos facendo as fotos das bibliotecas de aula. Aquí deixamos unhas poucas mais.

OS CONTACONTOS DOS XOVES TAMÉN ESTÁN EN MARCHA.

E non só están en marcha, senón que xa levamos cinco -contando co  de hoxe do que xa vos daremos conta.
A biblioteca está abrindo nos recreos dos martes e os xoves. Os martes desfrutamos da lectura libre, dos libros-xogos, das colas para coller libro de préstamo (hai unha chea de peticións) e de xogos lectores de mesa e no ordenador. (para os que hai tamén moita demanda).
Os xoves, de momento, os axudantes de 6º estiveron a nos contar contos relacionados coas emocións.
As emocionantes lecturas do mes de outubro foron ORELLAS DE BOLBORETA, O SOÑO DO OSIÑO ROSA E PÉTALA. O derradeiro xoves do mes,  e coincindo co Samaín, o conto non podía ser outro que un conto de medo. QUEN LLE TEN MEDO A ARAÑA?.
Velahi van as fotos das distintas sesións.

 Orellas de Bolboreta

O soño do osiño rosa

Pétala

Quen lle ten medo a araña