miércoles, 17 de mayo de 2017

AS MAIMIÑAS VIAXAN POLO RÍO MIÑO

Nestes tempos de case final de curso no que xa comezamos  a pechar os proxectos que tivemos en marcha durante todos estes meses, vimos de recibir a visita "musical" de "As maimiñas". A súa actuación foi  para os mais pequenos do cole, dende infantil ata segundo de primaria, un primeiro "broche de ouro" ás nosas andainas.  
Elas -que son moi viaxeiras e viñan contarnos a súa viaxe polo mundo-, fixeron unha parada no río Miño para poder empaparse da súa esencia ao longo dos mais de 300 kilómetros do seu percorrido por Galicia. Daquela poideron contarnos e cantarnos que viaxar polo Miño é viaxar polo mundo.  Australía é coma unha Terra chá máis grande; a pizza de Italia é como a galega,... ou non leva os mesmos ingredintes que atopamos nas terras do miño?; a néboa de Londres é a mesma que podemos ver nas lagoas que forma o Miño; a súa desembocadura é unha xaneliña ao mundo, máis aló dela agárdannos unha chea de sorpresas. Eso mesmo pensaron os piratas que ata aqui chegaron e despois  continuaron a súa navegación por todo o planeta.´
Pasamos con elas unha hora de risas, cantos e bailes; desfrutando do seu ritmo e o seu bó facer. Sóubonos a pouco.




1 comentario:

  1. Estas Maimiñas sí que saben deixar ca boca aberta @s nos@s nen@s :-)

    ResponderEliminar