sábado, 15 de junio de 2019

UNHA MAQUETA MOI ESPECIAL

Dentro da exposición final de traballos sobre este Proxecto Documental Integrado acompaña ós murais circulares do proxecto, á exposición de traballos antiguos do cole e ós traballos das familias, un elemento moi especial. Trátase dunha maqueta do noso cole que tamén os mouchiños nos mandaron facer para que quedase como lembranza de como era neste 2019 o noso cole. Xa sabemos que é moi distinto do que foi hai algúns anos. Quixemos que eses cambios quedaran reflectidos para sempre. Como somos pequenos, non puidemos facer a maqueta a escala e quedounos un pouquiño a ollo. Claro que é un ollo moi particular, o noso. Plastilina, cartón e pinturas axudaron a compoñer esta simpática imaxe  na que, se vos fixades ben, non falta detalle. Bueno sí, falta o patio de infantil que lle tocou a unhas tartaruguiñas que se toman o seu tempo. Entretivéronse tanto observando que agora non dan feito. A ver se rematan antes da din do curso!











QUE É O PÁRROCO PARA TI?

Hai algún tempiño, os mouchiños lanzaron unha nova tarefa ás aulas. Tratábase dun certame no que debiamos contar de xeito gráfico e/ou con creación literaria que supoñía para nós o cole. A idea non foi deles senón dos nenos e nenas da clase de 4º. Eles, dentro dos agasallos, que todos fomos ideando para o cole, tiveron unha idea brillante: facer uns fermosos carteis nos que expresaban como se sentían especiais por pertencer á comunidade do Párroco. Os mouchiños quedaron tan impresionados cos seus traballos que á idea inicial que eles tiñan de facer un concurso literario engadíronlle outras modalidades que permitisen ser aínda máis creativos. As respostas non se fixeron agardar e foron moi variadas.
Dunha delas vimos de falar na anterior entrada, pero ademáis...
-os nenos de 5 anos e os de 6º dixeron cousas bonitas sobre co cole na súa gradación
- outros nenos de diferentes clases elaboraron carteis nos que nos fixeron chegar os seus sentimentos. Imos velos.
- moitos alumnos e alumnas fixeron entrevistas ós seus familiares e veciños que pasaron polo cole para que lles contasen tamén as súas lembranzas.











carteis nenos de 4º



50 ANIVERSARIO TAMÉN EN INGLÉS

Como somos un centro plurilingue a profe de inglés  quixo deixar unha forte pegada neste proxecto,  preparando un agasallo especial para o cole. Un agasallo que vai quedar durante moito tempo na nosa memoria. Ademáis de que cando volvamos  no mes de setembro este  gran mural estará aí axudándonos a lembrar as boas experiencias vividas na celebración do noso aniversario.  
Foi unha diversión xuntármonos  unha mañá todos no patio para compoñer un gran 50. Non se tratou dunha foto máis, senón de deixar para o futuro a testemuña de que nós eramos no 2019 os protagonistas desta gran festa. 
Tódolos nenos e nenas axudaron tamén a expresar en inglés o que o cole supón para todos nós. Foi tamén un xeito orixinal de responder á chamada dos mouchiños que nos pediran  nunha nova tarefa  que lles dixesemos "Que é o Párroco para nós?". Pois velaí o tedes.




ROTEIROS POLO PATRIMONIO DE SANTO ANDRÉ

Hai algún tempo os mouchiños pedíronlles ás familias unha nova tarefa...patexar os montes e os camiños de Santo André de Comesaña para localizar elementos do patrimonio natural e cultural do noso entorno. Querían conseguir que as familias tamén fosen quen de ollar o noso cole con outro punto de vista e ademáis celebrar o autor das Letras Galegas, Antón Fraguas, facendo o traballo que el tamén fixo.
Non foron moitas as familias que responderon as súas peticións, pero sí moi enriquecedores os traballos que nos mandaron. Tamén é certo que nesta primavera o tempo non acompañou.
Deixámosvos aquí os murais que temos polo de agora.










ENTREGADAS AS TAREFAS

Chegando o mes de Xuño, xa era tempo de entregar  o traballo feito para as tarefas que nos encargaron os mouchiños. Os murais circulares de tódalas aulas enchen xa as nosas escaleiras.  Subir  e baixar é un desfrute mentres somos quen de ollar o noso cole dun xeito moi especial. Primeiro temos que ir descubrindo como tódolos nosos compañeiros matinarons e máis se espeliron  para conseguir tomar as medidas dos espacios que lles tocaron. No outro andar aprendemos tódolos materiais de que está composto un cole e ademáis achegámonos ós elementos químicos que os compoñen. A táboa periódica dos elementos químicos tamén está de aniversario e nós non podiamos esquecelo.

TOMANDO MEDIDAS













DE QUE PASTA ESTAMOS FEITOS?