luns, 19 de marzo de 2018

DIA DA MULLER: ELISA GONZÁLEZ

Entre as moitas mulleres que expoñen as súas obras nas rúas de Vigo, e que este curso son obxecto da nosa "ollada", escollimos ao chou a Elisa González e o seu mural da Vía Norte para decorar un marcalibros que nos poida axudar a deixar en "espera" as lecturas que non tivemos tempo de rematar. 
O mércores 8 de Marzo, Dia da Muller, todo estaba preparado para que na hora de ler coñecesemos este mural no que estamos todos representados, homes e mulleres, ollando xuntos na mesma dirección. E así mesmo todos xuntos nas aulas adicámonos a procurar o orixinal  e a facer a nosa propia interpretación do mesmo. Os de primaria puideron decorar a imaxe completa feita pola artista, pero os pequenos coloraron só un anaquiño no que podían ver as figuras máis grandes.


1 comentario:

  1. Os murais de Vigo están a ser un auténtico descubrimento... Eu concretamente paso tres veces á semán polo mural de Elisa González e ata agora nunca me parara a velo 'de verdade'. Grazas!

    ResponderEliminar