domingo, 19 de outubro de 2014

NOVO XOVES DE LECTURA...E VAN DOUS.

Van dous... e dúas son tamén as nenas que este xoves 16 de Outubro leron o conto A MIÑA AMIGA A ESCURIDADE da editorial Baía Edicións. Nahir e Merchi de 4º de Primaria disfrutaron lendo e fixéronnos desfrutar a nós tamén. A biblioteca estaba a tope...




MARCAPÁXINAS PARA A HORA DE LECTURA. OS DE SEGUNDO INFÓRMANNOS DA SÚA FORMACIÓN DE USUARIOS

Acaba de comezar o curso e os nenos e nenas de 2º xa estamos dándolle voltas a isto da lectura. Como este ano temos un tempo diario adicado a ler contos e historias na clase, ocorréusenos facer un marcapáxinas para non esquecer a folla na que quedamos.
Mirade que ben quedaron! Levan a mascota da nosa biblioteca!





PRIMEIRO XOVES DE LECTURA NA BIBLIOTECA

Nesta volta aos encontros coas lecturas na biblioteca as nenas Ángela e Carla de 4º de Primaria léronnos  o conto Verlioka de Patacrúa e Magicomora editado por Oqo editora.
Seica estamos perto do Samaín e son moitos os nenos que debecen por xogar cos monstros. Este xigante de seguro asustou a mais de un cativo.


Aqui tedes as fotos.





sábado, 18 de outubro de 2014

CURSO 2014-2015: ÁS CALADAS, PERO ESTAMOS DE VOLTA

Ainda que non o pareza, hai tempo que estamos de volta e a nosa biblioteca volve a rular e a animar experiencias lectoras xa dende que comezou o mes de outubro. Estas son algunhas das novidades ( ou non tan novas) para este ano: 

 -A biblioteca está reorganizándose paseniño a paseniño. Un novo Plambe xa está en marcha cun tema novo que estamos empezando a construir... "AS VIAXES DA LUZ" co gallo da celebración o vindeiro 2015 do Ano internacional da Luz. Xa iredes vendo o traballo que dentro de pouco empezara a agromar nas aulas e na biblioteca. 

- O horario das clases reorganizouse para dar cabida á iniciativa "Hora de ler", que moitos bós momentos de lectura libre e silenciosa vainos dar ao longo do curso. O "baúl dos mouchiños" e o "libro viaxeiro" axudarán a variar os títulos dos que xa dispoñemos nas bibliotecas de aula. Tamén a aportación persoal dos nenos e nenas, compartindo os seus contos e libros cos compañeiros.

-As clases xa empezaron co préstamo para as casas e os nenos e nenas que o desexan levan tamén libros a maiores no horario de apertura das tardes. 

-Os mouchiños están a preparar os seus niños para pasar o curso con todos nós e empezan a alumear ideas brillantes para converterse nos dinamizadores da nosa creación literaria. 

- Os expositores temáticos e o libro rescatado do mes xa están na biblio. Este mes tocoulle o turno aos Monstros (por qué será?) e o libriño O vento de Antón, vencellado ao tema do magosto.

-Nas clases empezan a traballar na formación de usuarios e na competencia informacional, tamén no marco das clases de informática.

- Nos recreos están xa en marcha os "Martes de xogar" con libro- xogos e os "Xoves de Lectura", nos que os nosos compañeiros de 4º de primaria son os encargados nestas primeiras andainas de contarnos contos e facernos disfrutar deles.

De todo isto e moito mais irémosvos informando de hoxe en diante. Así que...Boas lecturas! no cole e tamén nas casas.